சிவகிரி அருகே திருமண வீட்டில் தகராறு செய்த வழக்கில் ஒருவருக்கு 11 ஆண்டுகள் சிறை

சிவகிரி அருகே திருமண வீட்டில் தகராறில் ஈடுபட்ட வழக்கில் ஒருவருக்கு 11 ஆண்டுகள் சிறை தண்டனை விதித்து சங்கரன்கோவில் சாா்பு நீதிமன்றம் புதன்கிழமை தீா்ப்பளித்தது.

தென்காசி மாவட்டம் சிவகிரி அருகே கடந்த 2017-ஆம் ஆண்டு திருமண வீட்டில் ஏற்பட்ட தகராறில் அப் பகுதியைச் சோ்ந்த கண்ணன், சுரேஷ் ஆகியோரை தேவிபட்டினத்தைச் சோ்ந்த பால்கண்ணன் என்பவா் அரிவாளால் வெட்டி பலத்த காயம் ஏற்படுத்தினாராம்.

இச்சம்பவம் தொடா்பாக சிவகிரி போலீஸாா் வழக்குப்பதிவு செய்தனா். இதுதொடா்பான வழக்கு சங்கரன்கோவில் சாா்பு நீதிமன்றத்தில் நடைபெற்று வந்தது. இந்த நிலையில் வழக்கை விசாரித்த நீதிபதி மகேந்திரவா்மா புதன்கிழமை பால்கண்ணனுக்கு 11 ஆண்டுகள் சிறை தண்டனை, ரூ.10 ஆயிரம் அபராதம் விதித்து தீா்ப்பு கூறினாா். இந்த வழக்கில் அரசு தரப்பில் வழக்குரைஞா் கண்ணன் ஆஜரானாா்.