செய்திகள் :

`சீனர்களிடம் எங்களை விற்றுவிட்டனர்’ - லாவோஸ் சைபர் கிரைம் கும்பலிடமிருந்து தப்பியவர்கள் கண்ணீர்

post image

இந்தியா உட்பட உலகம் முழுவதும் ஏராளமான இணையத்தள குற்றங்கள் நடக்கிறது. இந்த இணையத்தள குற்றங்களை நடத்துபவர்கள் ஒரு நாட்டில் இருந்து கொண்டு மற்றொரு நாட்டில் செயல்படுகின்றனர். இதனால் அவர்களை கைது செய்வது என்பது முடியாத காரியமாக இருக்கிறது. இந்த இணையத்தள குற்றத்தில் ஈடுபடுவதற்காக இந்தியாவில் இருந்து ஆயிரக்கணக்கானோரை அதிக சம்பளம் கொடுப்பதாக ஆசை வார்த்தை கூறி அழைத்து சென்று வெளிநாடுகளில் இணைய தள குற்றத்தில் ஈடுபடுத்தியுள்ளனர்.

கால் சென்டர் வேலை என்று அழைத்து சென்று இணையத்தள குற்றத்தில் ஈடுபடும்படி கட்டாயப்படுத்தி கொடுமைபடுத்துகின்றனர். அவ்வாறு மும்பையில் இருந்து சென்ற மூன்று பேர் சீன கும்பலிடமிருந்து லாவோஸ் நாட்டில் இருந்து தப்பித்து வந்துள்ளனர். அவர்கள் தாங்கள் அனுபவித்த கொடுமைகள் குறித்து பகிர்ந்துகொண்டுள்ளனர்.

மும்பையை சேர்ந்த செய்யத் ஜாகீர், சபன் சலீம், இஸ்மாயில் செய்யத் ஆகியோர் லாவோஸ் நாட்டில் இருந்து தப்பித்து வந்துள்ளனர். நண்பர்களான மூன்று பேரும் மும்பை மீராரோடு பகுதியை சேர்ந்தவர்கள் ஆவர். இது குறித்து அப்பாஸ் கூறுகையில், ''எங்களை முதலில் பேங்காக் அழைத்து சென்றனர். அங்கிருந்து படகு மூலம் லாவோஸ் அழைத்து சென்றனர். லாவோஸ் சென்றதும் எங்களது பாஸ்போர்ட்டை பிடுங்கிக்கொண்டு சீன கும்பலிடம் தலா ரூ.5 லட்சத்திற்கு விற்பனை செய்துவிட்டனர். நாங்கள் அமெரிக்கா மற்றும் ஐரோப்பாவை சேர்ந்த அப்பாவிகளிடம் டேட்டிங் ஆப் மற்றும் முதலீட்டு ஆப்களை பயன்படுத்தி பணம் பறிக்க நிர்ப்பந்திக்கப்பட்டோம்.

சைபர் கொள்ளை

எங்களிடம் ஐபோன் கொடுத்தனர். எங்களை பாதுகாப்பு மிக்க ஒரு இடத்தில் சிறிய அறையில் அடைத்து வைத்திருந்தனர். எங்களுக்கு கொடுக்கப்பட்ட சாப்பாடு மிகவும் மோசமாக இருந்தது. பாதுகாப்பு மிகவும் குறைவாக இருந்த நேரத்தில் 17 ஐபோன்களை எடுத்துக்கொண்டு அங்கிருந்து வெளியில் தப்பித்து வந்தேன். வெளியில் மரங்கள் அடர்ந்த வனப்பகுதியாகும். சாலை, சாப்பாடு, தங்குமிடம் என எதுவும் இல்லை. எப்படியாவது இந்தியாவிற்கு சென்றால் போதும் என்று காட்டிற்குள் நடந்து சென்று தப்பித்து இந்தியாவிற்கு வந்து சேர்ந்தேன்''என்று தெரிவித்தார்.

இதே போன்று இஸ்மாயில் என்பவர் தப்பித்து வந்தது குறித்து கூறுகையில், ''நான் 6வது வகுப்பு வரை மட்டுமே படித்துள்ளேன். எனக்கு கம்ப்யூட்டர் இயக்க தெரியாது என்று ஏஜெண்டிடம் கூறினேன். ஆனாலும் வேலை எளிது என்றும், நல்ல சம்பளம் கிடைக்கும் என்றும் கூறி என்னை அழைத்து சென்றனர். அங்கு சென்றபிறகுதான் இது மோசடி என்று தெரிய வந்தது. நான் ஒரு வாரம் சாப்பிடாமல் உண்ணாவிரதம் இருந்து எனது பாஸ்போர்ட்டை பெற்றுக்கொண்டு இந்தியாவிற்கு வந்தேன். எனது நண்பர்கள் நான் திரும்பி வர உதவி செய்தனர்''என்றார்.

மூன்றாவது நபரான சலீம் இது குறித்து கூறுகையில்,''பல நாள் சாப்பிடாமல் ரத்தவாந்தி எடுத்தேன். எனக்கு சிகிச்சையளிக்க பணம் கொடுக்க மறுத்தனர். இந்தியா செல்ல உதவும்படி கெஞ்சினேன். எனக்கு சம்பளமும் கொடுக்கவில்லை. அவர்களிடமிருந்து தப்பித்து வெளியில் வந்து தெருவோர வியாபாரிகள் கொடுத்த பழங்களை சாப்பிட்டுக்கொண்டு 15 நாட்கள் நடைபாதையில் உறங்கி போராடி இந்தியாவிற்கு வந்து சேர்ந்தேன்.

போலி ஐடியில் இருந்து தவறான வீடியோ பதிவு

எங்களுடன் வந்த லக்கி அலி இன்னும் அங்கு சிக்கி இருக்கிறார். நான் வெளிநாட்டிற்கு போகவேண்டும் என்று நினைக்கவில்லை. ஆனால் எனது பழைய நண்பன் என்னை விற்பனை செய்துவிட்டான். லாவோஸில் இன்னும் நூற்றுக்கணக்கானோர் சிக்கி இருக்கின்றனர். அவர்களுக்கு அடிப்படை கம்ப்யூட்டர் அறிவே கிடையாது. அவர்கள் அப்பாவிகளை மிரட்டி பணம் பறித்துக்கொண்டிருக்கின்றனர். இது போன்று அப்பாவிகளை வெளிநாட்டிற்கு அழைத்து சென்று மோசடியில் ஈடுபட வைக்கும் நபர்களை தூக்கிலிட வேண்டும்'' என்று தெரிவித்தார்.

Miyazaki Mango: வைரத்திற்கு நிகரான விலையில் விற்கப்படும் மியாசாகி மாம்பழங்கள் - அப்படி என்ன ஸ்பெஷல்?

ஜப்பான் நாட்டில், மியாசாகி மாம்பழங்கள் பல லட்சம் ரூபாய்க்கு விற்கப்படுகின்றன.நாடு முழுவதும் கோடை காலத்தில் மாம்பழங்களுக்கான சீசன் தொடங்கியுள்ளது. இந்த நிலையில் ஜப்பானில் உள்ள மியாசாகி மாம்பழம் மிகவும்... மேலும் பார்க்க

Yalda Hakim: பாகிஸ்தான் அமைச்சர்களை நேரலையில் அலறவிட்ட நிருபர் - யார் இந்த யால்டா ஹக்கீம்?

ஆப்கானிஸ்தானை சேர்ந்த யால்டா ஹக்கீம், மூத்த பாகிஸ்தான் அதிகாரிகளுடனான தனது அதிரடியான, தயக்கமற்ற நேர்காணல்களுக்காக பரவலான கவனத்தை ஈர்த்துள்ளார். ‘ஸ்கை நியூஸ்’ நிறுவனத்தில் பணிபுரியும் யால்டா ஹக்கீம் சம... மேலும் பார்க்க

India - Pakistan : `பாகிஸ்தானின் சீக்கிய தலம் மீது தாக்குதலா?’ - மறுத்த இந்திய அரசு | Fact check

பாகிஸ்தானில் உள்ள சீக்கிய புனித தலமான நான்கனா சாஹிப் குருத்வாரா மீது இந்தியா ட்ரோன் தாக்குதலை நடத்தியதாக கூறப்படும் குற்றச்சாட்டுகளுக்கு இந்திய அரசு மறுப்பு தெரிவித்துள்ளது. தீவிரவாதிகள், 26 பேரை சுட்... மேலும் பார்க்க

Murali Naik: "காலையில்தான் எங்களிடம் பேசினான்" - பாகிஸ்தான் தாக்குதலில் மகனை இழந்த பெற்றோர் உருக்கம்

இந்தியா, பாகிஸ்தான் இடையே நடந்து வரும் தாக்குதலில் இந்தியாவைச் சேர்ந்த முரளி நாயக்(23) என்ற வீரர் வீர மரணம் அடைந்தார்.முரளி நாயக் பெற்றோருக்குச் சொந்த ஊர் ஆந்திரா மாநிலத்தில் உள்ளது. அவரது தந்தை ஸ்ரீர... மேலும் பார்க்க

கூட்டுப் பாலியல் வன்கொடுமை வழக்கு: "ஒரு பெண் முடியாது எனச் சொன்னால் முடியாதுதான்" -மும்பை நீதிமன்றம்

மகாராஷ்டிரா மாநிலம் சந்திராப்பூர் மாவட்டத்தைச் சேர்ந்த வாஷிம் கான், ஷேக் கதிர் மற்றும் ஒரு மைனர் சேர்ந்து, பெண் ஒருவரைக் கடத்தி சென்று கூட்டுப் பாலியல் வன்கொடுமை செய்தனர்.2014ம் ஆண்டு நடந்த இச்சம்பவம்... மேலும் பார்க்க

ஒட்டிப் பிறந்த சகோதரிகளைக் கைவிட்ட பெற்றோர்; 13 ஆண்டுகளாக வளர்க்கும் மருத்துவமனை; நெகிழ்ச்சி பின்னணி

மும்பையில் உள்ள வாடியா மருத்துவமனை குழந்தைகளுக்கானது. இம்மருத்துவமனையில் பன்வெல் பகுதியைச் சேர்ந்த தம்பதிக்கு உடம்பின் கீழ்ப் பகுதி ஒட்டிய நிலையில் இரட்டை குழந்தைகள் பிறந்தன.அக்குழந்தைகளைத் தனித்தனியா... மேலும் பார்க்க