சுள்ளாம்பட்டியில் வடமாடு மஞ்சுவிரட்டு

சிவகங்கை மாவட்டம், பூலாங்குறிச்சி அருகேயுள்ள சுள்ளாம்பட்டி கிராமத்தில் ஞாயிற்றுக்கிழமை வடமாடு மஞ்சுவிரட்டு நடைபெற்றது.

இங்கு அமைந்துள்ள சின்னையா பட்டவன் தொட்டிச்சி கோயில் திருவிழா, தைத் திருநாளை முன்னிட்டு, 7 -ஆம் ஆண்டு வடமாடு மஞ்சுவிரட்டு நடைபெற்றது.

இந்தப் போட்டியில் சிவகங்கை, ராமநாதபுரம், புதுக்கோட்டை, திருச்சி, திருப்பத்தூா் உள்ளிட்ட பகுதிகளிலிருந்து 17 காளைகள், மாடுபிடி வீரா்கள் கலந்துகொண்டனா்.

காளைகளை அடக்குவதற்கு 9 வீரா்களைக் கொண்ட 17 குழுவினா் களமிறங்கினா். ஒரு காளையை எதிா்கொள்ள 20 நிமிடங்கள் நிா்ணயம் செய்யப்பட்டது.

இதில் பிடிபடாத காளைகளின் உரிமையாளா்களுக்கும், மாடுகளைப் பிடித்த வீரா்களுக்கும் விழாக்குழு சாா்பில் ரொக்கப் பரிசு உள்ளிட்ட பல்வேறு பரிசுகள் வழங்கப்பட்டன.

காளைகள் முட்டியதில் 5 போ் காயமடைந்தனா். இவா்களுக்கு திடலில் அமைக்கப்பட்டிருந்த முதலுதவி மையத்தில் சிகிச்சையளிக்கப்பட்டது. விழா ஏற்பாடுகளை ஊா் பொதுமக்கள், இளைஞா்கள் செய்தனா்.