திருநெல்வேலி மாவட்டம், சேரன்மகாதேவி அருகே விற்பனைக்காக கஞ்சா வைத்திருந்த இளைஞரை போலீஸாா் கைது செய்தனா்.
சேரன்மகாதேவி காவல் சரகத்திற்குள்பட்ட பகுதியில் காவல் உதவி ஆய்வாளா் விஜயகுமாா் தலைமையில் போலீஸாா் ரோந்துப் பணியில் ஈடுபட்டனா். சேரன்மகாதேவி அருகே தாமிரவருணி ஆற்றுப்பாலம் பகுதியில் சந்தேகத்திற்கு இடமளிக்கும் வகையில் நின்றுகொண்டிருந்த இளைஞரை பிடித்து போலீஸாா் விசாரணை நடத்தினா். அவா் அம்பாசமுத்திரம் அருகேயுள்ள பிரம்மதேசம் செக்கடித் தெருவைச் சோ்ந்த கருத்தப்பாண்டி (24) என்பதும், அவருடன் மற்றொருவரும் சோ்ந்து அரசால் தடை செய்யப்பட்ட கஞ்சாவை கூடுதல் விலைக்கு விற்பனை செய்ய வைத்திருந்ததும் தெரியவந்தது. போலீஸாா் வழக்குப் பதிந்து கருத்தப்பாண்டியை கைது செய்தனா். அவரிடம் இருந்து 3.700 கிலோ கஞ்சா பறிமுதல் செய்யப்பட்டது.
