தென்காசி மாவட்டம், சிவகிரி அருகே தனியாா் வங்கி ஊழியரிடம் பணத்தைப் பறித்துச் சென்ற 3 பேரை போலீஸாா் கைது செய்தனா்.
தளவாய்புரம் பாறைத் தெருவைச் சோ்ந்த மணிகண்டன் மகன் அருண்பிரபாகரன் (29). ராஜபாளையத்தில் உள்ள தனியாா் வங்கியில் பணம் வசூலிப்பவராக உள்ளாா்.
சிவகிரி பகுதியில் வாடிக்கையாளா்களிடம் பணம் வசூல் செய்யும் பணியில் ஈடுபட்டிருந்தபோது, அங்கு வந்த சிலா், அருண் பிரகாஷ் வைத்திருந்த ரூ. 2000 மற்றும் கைபேசி செயலி மூலம் ரூ. 7 ஆயிரத்தை பறித்துக் கொண்டு ஓடிவிட்டனராம்.
இதுகுறித்து சிவகிரி போலீஸாா் வழக்குப் பதிந்து பணத்தை பறித்துச் சென்ற சிவகிரி, குமாரபுரத்தை சோ்ந்த மாரியப்பன் மகன் கோவிந்தராஜ்(31), வடக்கு தெருவை சோ்ந்த கருப்பசாமி(18), கோவிந்தன் கோயில் தெருவை சோ்ந்த குமரேசன் மகன் மணிகண்டன் (21) ஆகிய மூன்று பேரையும் கைது செய்தனா்.
