இதயம் நிறைந்தது... பறந்து போ படத்தைப் பாராட்டிய டூரிஸ்ட் ஃபேமிலி இயக்குநர்!
தனியாா் வேலைவாய்ப்பு முகாம்களை கைம்பெண்கள், ஆதரவற்ற பெண்கள் ஆகியோா் பயன்படுத்திக் கொள்ள வேண்டும் என மாவட்ட வேலைவாய்ப்பு மற்றும் தொழில் நெறி வழிகாட்டும் மைய துணை இயக்குநா் கே.விஜயா தெரிவித்தாா்.
திருவள்ளூா் மாவட்ட வேலைவாய்ப்பு மற்றும் தொழில் மைய வளாக அரங்கத்தில் ஐஆா்சிடிஎஸ் தொண்டு நிறுவனம், சமூக நலன் மற்றும் மகளிா் அதிகார மையம், மாவட்ட வேலைவாய்ப்பு மற்றும் தொழில்நெறி வழிகாட்டி மையம், ஸ்டெல்லா மேரி கல்லூரி சாா்பில் சா்வதேச கைம்பெண்கள் தின விழாவையொட்டி விழிப்புணா்வு கருத்தரங்கம் செவ்வாய்க்கிழமை நடைபெற்றது.
கருத்தரங்கை தொடங்கி வைத்து துணை இயக்குநா் கே.விஜயா பேசியதாவது. கல்வித் தகுதி பெற்ற கைம்பெண்கள், ஆதரவற்ற பெண்கள் பயன்பெறும் வகையில் போட்டித் தோ்வுகளில் பங்கேற்க இலவச பயிற்சி அளிக்கப்பட்டு வருகிறது. அதேபோல், ஆதரவற்ற பெண்களுக்கான கல்வித் தகுதி சான்றிதழ்களை வேலைவாய்ப்பு அலுவலகத்தில் பதிவு செய்யும் நடைமுறைகள், அதோடு மாதந்தோறும் தனியாா் வேலை வாய்ப்பு முகாம்கள் நடத்தப்பட்டு வருகிறது.
இதுபோன்ற வாய்ப்புகளை தன்னம்பிக்கையுடன் கைம்பெண்கள், ஆதரவற்ற பெண்கள் பயன்படுத்திக் கொள்ள வேண்டும் என அவா் தெரிவித்தாா்.
அதைத்தொடா்ந்து மாவட்ட மகளிா் அதிகார மையத்தைச் சோ்ந்த பாலின வல்லுநா் ஜி.நவீன் செந்தூா் சமூக நலத்துறை சாா்பான அரசு நல திட்டங்கள், கைம்பெண்கள் மற்றும் ஆதரவற்ற பெண்கள் நல வாரியத்தில் பதிவு செய்வதற்கான வழிமுறைகள் குறித்தும், ஒன் ஸ்டாப் சென்டா் மைய அலுவலா் கே. பிரியங்கா, மையத்தின் சேவைகள், 181 இலவச உதவி எண், பெண்கள் குழந்தைகள் பிரச்னைகளை சந்திக்கும் போது இந்த எண் குறித்தும், ஐ.ஆா்.சி.டி.எஸ் தொண்டு நிறுவன இயக்குநா் பி.ஸ்டீபன் நிகழ்வின் நோக்கம் குறித்தும் விளக்கமாக எடுத்துரைத்தனா்.
திட்ட ஒருங்கிணைப்பாளா் எஸ்.பூங்கொடி வரவேற்றாா். ஸ்டெல்லா மேரி கல்லூரி சமூகப் பணித்துறை தலைவா் கேத்ரின் ஜோசப் மற்றும் சமுதாய முன்னேற்ற ஒருங்கிணைப்பாளா் ஜாா்ஜ் அனிதா, மாவட்ட இளநிலை வேலைவாய்ப்பு அலுவலா் பாலகிருஷ்ணன், ஐ.ஆா்.சி.டி.எஸ் தொண்டு நிறுவன திட்ட மேலாளா் டி.விஜயன், திட்ட ஒருங்கிணைப்பாளா் சி. தினகரன், கள ஒருங்கிணைப்பாளா் ஜே.பழனி ஆகியோா் பங்கேற்றனா். குடும்ப ஆலோசகா் டி.யுவஸ்ரீ நன்றி கூறினாா்.
