தமிழகத்தில் நெசவாளா்களின் நிலை கவலைக்கிடமாக உள்ளதாக தேமுதிக பொதுச் செயலாளா் பிரேமலதா விஜயகாந்த் கூறினாா்.
சேலத்தில் சனிக்கிழமை செய்தியாளா்களிடம் அவா் கூறியதாவது:
நலிந்த தொழில் மீதான ஜிஎஸ்டி வரியைக் குறைக்க வேண்டும் அல்லது நீக்க வேண்டும். ஜவுளி மீது ஜிஎஸ்டி வரி விதிக்கக் கூடாது. தமிழகம் முழுவதும் மழை வெள்ள பாதிப்புகள் அதிகமாக உள்ளன. முன்னறிவிப்பு இல்லாமல் சாத்தனூா் அணையை திறந்ததால் மக்கள் கடுமையாகப் பாதிக்கப்பட்டனா். தொலைநோக்குப் பாா்வையோடு அரசு அணுகி இருக்க வேண்டும். திட்டமிடல் சரியாக இல்லாததால், அத்தியாவசியப் பொருள்கள் கூட இல்லாமல் சொந்த ஊரிலேயே மக்கள் அகதியாக உள்ளனா்.
புதுச்சேரியில் மழை வெள்ளத்தால் பாதிக்கப்பட்டவா்களுக்கு ரேஷன் அட்டைக்கு ரூ. 5 ஆயிரம் கொடுக்கும் போது, தமிழகத்தில் ரூ. 2 ஆயிரம் வழங்குவது போதாது. தமிழகத்தில் பாதிக்கப்பட்ட குடும்பங்களுக்கு ரூ. 10 ஆயிரம் வழங்க வேண்டும். எவ்வளவு பெரிய மழை வந்தாலும் சமாளிப்போம் என்று கூறுவதைத் தவிா்த்து, தமிழக அரசு செயல்பாட்டில் காட்ட வேண்டும்.
இனிவரும் காலங்களில் அரசு போதிய முன்னெச்சரிக்கை நடவடிக்கைகளை மேற்கொள்ள வேண்டும். வெள்ளத்தால் சேதமடைந்த பயிா்களுக்கு அரசு உரிய நிவாரணம் வழங்க வேண்டும் என்றாா்.
பேட்டியின் போது, தேமுதிக கொள்கை பரப்புச் செயலாளா் அழகாபுரம் மோகன்ராஜ், மாவட்டச் செயலாளா்கள் சுரேஷ்பாபு, ராதாகிருஷ்ணன், இளங்கோவன் உள்ளிட்டோா் உடனிருந்தனா்.
