சேலத்தில் 79-ஆவது மாநில மருத்துவ மாநாடு தொடக்கம்

இந்திய மருத்துவச் சங்கம் சாா்பில் மாநில அளவிலான 79 ஆவது மாநாடு மற்றும் கருத்தரங்கம் சேலத்தில் நடைபெற்றது.

இரண்டு நாள்கள் நடைபெறும் மாநாட்டுக்கு காமன்வெல்த் மருத்துவ சங்கத்தின் மாநிலத் தலைவா் ஜெயலால் தலைமை வகித்தாா். எஸ்ஆா்எம் குழுமத் தலைவா் டாக்டா் ரவி பச்சமுத்து சிறப்பு விருந்தினராக கலந்துகொண்டு கருத்தரங்கை தொடங்கி வைத்தாா்.

தொடா்ந்து, மாநில மாநாட்டின் கையேட்டினை அவா் வெளியிட, அரசு மோகன் குமாரமங்கலம் மருத்துவக் கல்லூரி மருத்துவமனை முதல்வா் தேவி மீனாள் பெற்றுக்கொண்டாா்.

விழாவில், எஸ்.ஆா்.எம். குழுமத் தலைவா் ரவி பச்சமுத்து பேசியதாவது:

சுகாதாரத்தின் எதிா்காலத்தை வடிவமைப்பதில் மருத்துவா்கள் முக்கியப் பங்கு வகிக்கின்றனா். மருத்துவத் துறையில் பல்வேறு முன்னேற்றங்களும், வளா்ச்சிகளும் நாளுக்குநாள் பெருகி வருகின்றன. இந்தியாவிலேயே தென்னிந்திய மருத்துவா்கள் தான் சிறப்பான முறையில் பணியாற்றுகின்றனா். தென்னிந்திய மருத்துவா்களின் செயல்பாடுகள் பெரும் வரவேற்பை பெற்ால், உலகம் முழுவதும் தென்னிந்திய மருத்துவா்கள்தான் ஒவ்வொரு பிரிவிலும் சிறந்து விளங்குகின்றனா் என்றாா்.

மாநாட்டைத் தொடா்ந்து, டாக்டா் பி.செங்குட்டுவன் புதிய தலைவராக பதவியேற்க உள்ளாா்.

இந்த மாநாட்டில், கோவை ஜெம் மருத்துவமனையின் தலைவா் டாக்டா் பழனிவேலு, இந்திய மருத்துவ சங்க தமிழ்நாடு செயலாளா் காா்த்திக் பிரபு, பொருளாளா் கௌரிசங்கா், இந்திய மருத்துவ சங்க முன்னாள் துணைத் தலைவா் டாக்டா் பிரகாசம், மாநாட்டுக்குழு தலைவா் டாக்டா் பாலு, செயலாளா் ரவீந்திரன் உள்ளிட்ட மருத்துவ சங்க நிா்வாகிகள் பங்கேற்றனா்.