மக்கள் நீதிமன்றத்தில் 2,604 வழக்குகளுக்குத் தீா்வு

திண்டுக்கல்லில் சனிக்கிழமை நடைபெற்ற மாபெரும் சிறப்பு மக்கள் நீதிமன்றத்தில் 2,604 வழக்குகள் முடித்து வைக்கப்பட்டு, ரூ.13.87 கோடி தீா்வுத் தொகை வழங்க உத்தரவிடப்பட்டது.

திண்டுக்கல் மாவட்ட சட்டப் பணிகள் ஆணைக்குழு சாா்பில் மாபெரும் மக்கள் நீதிமன்றம் சனிக்கிழமை நடைபெற்றது. மாவட்ட ஒருங்கிணைந்த நீதிமன்ற வளாகத்தில் நடைபெற்ற விசாரணையை, திண்டுக்கல் மாவட்ட முதன்மை நீதிபதி ஏ.முத்துசாரதா தொடங்கிவைத்தாா்.

மாவட்டம் முழுவதும் 14 அமா்வுகளில் நடைபெற்ற விசாரணையில், 2,604 வழக்குகளுக்கு தீா்வு காணப்பட்டது. இதன் மூலம் தீா்வுத் தொகையாக ரூ.13.87 கோடி வழங்க உத்தரவிடப்பட்டது.

இதில் நீதிபதிகள் பி.வேல்முருகன், முரளிதரன், விஜயக்குமாா், சரண் உள்ளிட்ட பலா் கலந்து கொண்டனா்.