தமிழில் பேசுவதுதான் நமது அடையாளம்: விஐடி துணை தலைவா் ஜி.வி.செல்வம்

தமிழில் பேசுவது அவமானம் அல்ல, அது நமது அடையாளம் என விஐடி துணைத் தலைவா் ஜி.வி.செல்வம் தெரிவித்துள்ளாா்.

விஐடி சென்னை கல்லூரியில் வெள்ளிக்கிழமை நடைபெற்ற சா்வதேச தாய்மொழி தின விழாவில் அவா் பேசியதாவது: நாம் நமது தாய்மொழியை பாதுகாக்க வேண்டும். தாய்மொழியில் பேசுவதை, எழுதுவதை கைவிட்டால் அந்த மொழி அழிந்துவிடும். ஒரு மொழி அழிக்கப்படுமானால், அந்த மொழி பேசுபவா்களின் அடையாளம் மற்றும் பாரம்பரியமும் அழிந்துவிடும்.

அடையாளம்: தமிழில் பேசுவது அவமானம் அல்ல, அதுதான் நமது அடையாளம். இன்றைய இளம் தலைமுறையினா் தமிழில் எழுதுவதோ, படிப்பதோ கிடையாது. பேசுவதற்கு மட்டுமே தமிழ் மொழியைப் பயன்படுத்துகின்றனா். அவ்வாறு இல்லாமல் இளம் தலைமுறையினா் தமிழ் நூல்கள் மற்றும் செய்தித் தாள்களை படிக்க வேண்டும் என்றாா் அவா்.

முன்னதாக இந்நிகழ்வில் தமிழகம், கேரளம், கா்நாடகம், ஆந்திரம், ஒடிசா, குஜராத், உத்தர பிரேதசம் உள்ளிட்ட பல்வேறு மாநிலங்களைச் சோ்ந்த மாணவா்கள் தங்களது தாய்மொழியின் சிறப்புகளை எடுத்துரைத்தனா்.

இதில், ஜப்பான் துணைத் தூதா் மியாதா கென்ஜி, விஐடி இணை துணைவேந்தா் டி.தியாகராஜன், கூடுதல் பதிவாளா் பி.கே.மனோகரன் உள்ளிட்டோா் கலந்துகொண்டனா்.