திருவண்ணாமலை மாவட்டம், வந்தவாசி வட்டத் தமிழ்ச் சங்கம் சாா்பில் உலக தாய்மொழி தின விழா வியாழக்கிழமை நடைபெற்றது.
வந்தவாசி தேரடி அருகேயுள்ள தனியாா் திருமண மண்டபத்தில் நடைபெற்ற விழாவுக்கு, சங்கத்தின் தலைவா் வே.சிவராமகிருஷ்ணன் தலைமை வகித்தாா். ஓய்வுபெற்ற காவல் ஆய்வாளா் மா.கதிரொளி முன்னிலை வகித்தாா். சங்கத்தின் துணைத் தலைவா் சாமி.பிச்சாண்டி வரவேற்றாா். ‘பழமையும், புதுமையும்’ என்ற தலைப்பில் சிறப்பு ஆய்வரங்கம் நடைபெற்றது.
இதில், ‘ஆட்டனத்தியும், ஆதிமந்தியும்’ என்ற தலைப்பில் சங்க ஒருங்கிணைப்பாளா் மா.ரஜினி, ‘அண்ணாவின் புதினங்கள்’ என்ற தலைப்பில் துணைத் தலைவா் கோ.ஸ்ரீதா், ‘பாஞ்சாலி சபதம்’ என்ற தலைப்பில் செயலா் ஆ.மயில்வாகனன், ‘இராவண காவியம்’ என்ற தலைப்பில் மகளிரணி செயலா் அரங்க.சந்திரசாலிகை உள்ளிட்டோா் பேசினா்.
விழாவில், சங்கத்தின் தகவல் தொடா்பாளா் மு.பிரபாகரன், மகளிரணி செயலா்கள் உஷா, பட்டு, செல்வி உள்ளிட்டோா் கலந்துகொண்டனா்.
