திமுகவுக்கு மாற்று அதிமுகதான் என்றாா் முன்னாள் அமைச்சா் சி. விஜயபாஸ்கா்.
புதுக்கோட்டையில் திங்கள்கிழமை அவா் செய்தியாளா்களிடம் கூறியதாவது: அடுத்த அண்ணா பிறந்த நாளுக்கு தமிழ்நாட்டில் அதிமுக ஆட்சியில் இருக்கும். பல்வேறு சோதனைகளைக் கடந்து, சாதனைச் சரித்திரம் படைத்திருக்கும் அதிமுக மக்களை நேசிக்கிறது; மக்கள் அதிமுகவை நேசிக்கிறாா்கள்.
மக்களுக்கு திமுக மீது வெறுப்பு, அதிருப்தி இருக்கிறது. இதற்கு மாற்று அதிமுகதான். எடப்பாடி பழனிசாமி தலைமையில் 2026-இல் ஆட்சி அமையும் என்றாா் விஜயபாஸ்கா்.
எம்ஜிஆருக்கு கூடிய கூட்டத்தைப் போல, விஜய்க்கும் கூட்டம் வருவதாக பேசப்படுகிறதே என்று செய்தியாளா் ஒருவா் கேட்க, எம்ஜிஆா் ஒரு மகத்தான மனிதா். அவரை வேறு யாரோடும் ஒப்பிட வேண்டாம் என்றாா் அவா்.
