திமுக ஆட்சியில் கரூருக்கு ஏராளமான திட்டங்கள் அறிவிப்பு: அமைச்சா் செந்தில்பாலாஜி பேச்சு!

திமுக ஆட்சியில் கரூா் மாவட்டத்துக்கு ஏராளமான திட்டங்கள் அறிவிக்கப்பட்டுள்ளதாக கூறி, அவற்றை பட்டியலிட்டு பேசினாா் மின்சாரம், மதுவிலக்கு மற்றும் ஆயத்தீா்வைத் துறை அமைச்சா் வி. செந்தில்பாலாஜி.

கரூா் மாவட்ட திமுக மாணவா் அணி சாா்பில், மொழிப்போா் தியாகிகளுக்கு வீரவணக்க நாள் பொதுக்கூட்டம் கரூரில் சனிக்கிழமை இரவு நடைபெற்றது.

கூட்டத்துக்கு மாணவரணி செயலாளா் சரவணன் தலைமை வகித்தாா். கட்சியின் சட்ட திட்ட திருத்த குழு செயலாளரும், எம்பியுமான இரா. கிரி ராஜன் சிறப்புரையாற்றினாா்.

கூட்டத்தில் அமைச்சா் செந்தில்பாலாஜி பேசியது: தமிழகத்தில் முதல்வா் ஸ்டாலின் தலைமையில் பொற்கால ஆட்சி நடைபெற்று வருகிறது. கல்வித் துறையில் முதல்வரின் சிறப்பு திட்டங்களால் உயா்கல்வி பயில்வோரின் எண்ணிக்கை அதிகரித்து வருகிறது.

திமுக ஆட்சியில் கரூா் மாவட்டத்துக்கு ஏராளமான திட்டங்களை முதல்வா் அறிவித்து நிறைவேற்றி வருகிறாா். மாவட்டத்தில், அரசு வேளாண்மை கல்லூரி, அரவக்குறிச்சி, தரகம்பட்டியில் அரசு கலைக் கல்லூரிகள்,-நெரூா் உண்ணியூா் உயா்மட்ட பாலம், குளித்தலை அரசு தலைமை மருத்துவமனைக்கு ரூ.40 கோடியில் பிரம்மாண்ட கட்டடம், கலைஞா் கனவு இல்லம் திட்டத்தில் பயனாளிகள் தோ்வு செய்யப்பட்டு கொண்டிருக்கிறாா்கள்.

கரூா் மாநகராட்சியில் முடிவடைந்த பணிகளோடு கூடுதலாக சாலை அமைக்க ரூ.20 கோடி, குடிநீா் திட்டப் பணிகளை மேம்படுத்த ரூ. 7.50 கோடி, புஞ்சை புகழூா் நகராட்சியாக தரம் உயா்வு, பள்ளப்பட்டி பேரூராட்சி நகராட்சியாக தரம் உயா்வு, ரூ. 476 கோடியில் கரூரில் விடுபட்ட பகுதிகளுக்கு புதை சாக்கடை திட்டம் என எண்ணற்ற நலத் திட்டங்களை முதல்வா் வழங்கியிருக்கிறாா். மேலும் மாநகராட்சியில் புதிய காவிரி குடிநீா் திட்டம் ரூ. 113 கோடி மதிப்பில் தொடங்கவிருக்கிறது.

மக்கள் நலத் திட்டங்களுக்கு சிலா் எத்தனை தடைகளை ஏற்படுத்தினாலும், அவற்றையெல்லாம் உடைத்து அந்தத் திட்டங்களை திமுக ஆட்சி நிறைவேற்றி வருகிறது.

கடந்த 2 நாள்களுக்கு முன்பு நடைபெற்ற அதிமுக பொதுக்கூட்டத்தில் 2021-இல் திமுக சாா்பில் வாங்கப்பட்ட மனு எனக் கூறி காண்பித்துள்ளனா். அந்த மனுக்களை எங்கிருந்தோ எடுத்தாா்களாம். இனி இதுபோன்ற பொய்களை கூறும்போது அதிமுகவினா் யோசித்து கூற வேண்டும் என்றாா் அமைச்சா்.

கூட்டத்தில் எம்எல்ஏக்கள் மற்றும் கட்சியினா் திரளாக பங்கேற்றனா்.