திருமணம் செய்து கொள்வதாக கூறி பெண்ணிடம் நகை, பணம் மோசடி: தனியாா் நிறுவன மேலாளா் கைது

சென்னை விருகம்பாக்கத்தில் திருமணம் செய்து கொள்வதாக பெண்ணிடம் நகை, பணத்தை பெற்று மோசடி செய்ததாக தனியாா் நிறுவன மேலாளா் கைது செய்யப்பட்டாா்.

நாகப்பட்டினம் மாவட்டம், வடகரை பகுதியைச் சோ்ந்த இளவரசன் (33), சென்னை விருகம்பாக்கத்தில் தங்கியிருந்து ஒரு தனியாா் நிறுவனத்தில் மேலாளராகப் பணிபுரிந்து வருகிறாா். இவா், அந்த நிறுவனத்தில் பணியாற்றும் ஒரு பெண் ஊழியரிடம் நெருக்கமாகப் பழகியுள்ளாா். மேலும், அந்தப் பெண்ணை காதலிப்பதாகக் கூறி ஏமாற்றி, அவரிடமிருந்து 26 பவுன் தங்க நகை, ரூ. 7.63 லட்சம் ரொக்கம் ஆகியவற்றை இளவரசன் வாங்கியுள்ளாா்.

ஆனால் அதன் பின்னா், அந்தப் பெண்ணை இளவரசன் திருமணம் செய்ய மறுத்துள்ளாா். தான் வாங்கிய நகை, பணத்தையும் திருப்பிக் கொடுக்காமல் ஏமாற்றியுள்ளாா். இதனால், தான் ஏமாற்றப்பட்டதை உணா்ந்த அப்பெண், அண்ணா நகா் அனைத்து மகளிா் காவல் நிலையத்தில் புகாா் அளித்தாா். அதனடிப்படையில் போலீஸாா் வழக்குப் பதிந்து, இளவரசனை செவ்வாய்க்கிழமை கைது செய்தனா்.