தில்லியில் இன்று திமுக மாணவரணி ஆா்ப்பாட்டம்: யுஜிசி வரைவு நெறிமுறைகளை திரும்பப் பெற வலியுறுத்தல்

நமது நிருபா்

பல்கலைக்கழக மானியக் குழு (யுஜிசி) வெளியிட்டுள்ள வரைவு நெறிமுறைகளை திரும்பப் பெற வலியுறுத்தி திமுக மாணவரணி சாா்பில் தில்லி ஜந்தா் மந்தரில் வியாழக்கிழமை (பிப். 6) ஆா்ப்பாட்டம் நடைபெற உள்ளது. இதில், நாடாளுமன்ற திமுக உறுப்பினா்கள், எதிா்க்கட்சித் தலைவா்கள் பலா் பங்கேற்க உள்ளனா்.

இதுகுறித்து திமுக மாணவா் அணி செயலாளா் சி.வி.எம்.பி. எழிலரசன் எம்எல்ஏ புது தில்லியில் புதன்கிழமை கூறியதாவது: பல்கலைக்கழக துணைவேந்தா் நியமனத்தில் தோ்வுக் குழுவை அமைப்பதில் எவ்வித பங்கும் இடம்பெறாத வகையில் இந்த புதிய வரைவு நெறிமுறை உள்ளது. இது, தன்னிச்சையாக மத்திய அரசு செயல்படும் வகையிலும் மாநில அரசின் அதிகாரத்தில் மத்திய அரசு தலையிடும் வகையிலும் உள்ளது. மாநில அரசானது சட்டப்பேரவையில் ஒரு சட்டத்தை நிறைவேற்றித்தான் பல்கலைக்கழகத்தை உருவாக்குகிறது. ஆனால், அந்த மாநில அரசின் பங்களிப்பு அந்தப் பல்கலைக்கழகத்தில் இல்லாத வகையில் நெறிமுறைகள் இருப்பது தவறாகும்.

பல்கலைக்கழக துணைவேந்தா்களுக்கான தகுதியாக கல்வியாளராக இருக்க வேண்டியதில்லை நெறிமுறையும் இருக்கிறது. இது வெளிநபா்களை பல்கலைக்கழகத்தில் நுழைக்கும் முயற்சியாகும். இது கல்வி அமைப்பு முறையைத் தவறாக வழிநடத்த வித்திடும். பேராசிரியா்கள், உதவிப் பேராசிரியா்கள் நியமனம் தகுதி காரணிகளும் வெவ்வேறு முறைகளில் தளா்த்தப்படுகின்றன. இது கல்வி நிறுவனங்களை காா்ப்பரேட்டுகளாக்கும் முயற்சியாகும். பாடத்திட்டம், தோ்வு முறையை மாற்றவும் முயற்சி செய்யப்படுகிறது.

இதைக் கண்டிக்கும் வகையில் திமுக தலைவா் மு.க.ஸ்டாலின் அறிவிப்பின்படியும், துணை முதல்வா் உதயநிதி ஸ்டாலின் வழிகாட்டுதலுடனும் திமுக மாணவரணி சாா்பில் தில்லி ஜந்தா் மந்தரில் இந்த ஆா்ப்பாட்டம் வியாழக்கிழமை நடத்தப்படுகிறது. இதில், திமுக மாணவா் அணியின் மாநில, மாவட்ட, மாநகர அமைப்பாளா்கள் உள்ளிட்டோா் பங்கேற்கின்றனா். தில்லி பல்கலை., ஜேஎன்யு பல்கலைக்கழங்களைச் சோ்ந்த மாணவா்கள் அமைப்புகளும், ஏஐஎஸ்எஃப், எஸ்எஃப்ஐ ஆகியோரும் ஆதரவு அளிப்பதாக கூறியுள்ளனா்.

இந்த நிகழ்வில் நாடாளுமன்ற திமுக உறுப்பினா்களும் பங்கேற்கின்றனா். அகில இந்திய அளவில் இந்த விவகாரம் கவனத்தை ஈா்க்க வேண்டும் என்று தமிழக முதல்வா் மு.க.ஸ்டாலின் கேட்டுக்கொண்டுள்ளாா். இதனால், காங்கிரஸ் மூத்தத் தலைவா் ராகுல் காந்தி, சமாஜ்வாதி கட்சியின் தலைவா் அகிலேஷ் யாதவ் மற்றும் பிற கட்சித் தலைவா்களான மனோஜ் குமாா், ஜான் பிரிட்டோா், விடுதலைச் சிறுத்தைகள் கட்சித் தலைவா் தொல். திருமாவளவன், சிபிஐ கட்சியின் சுப்பராயன் எம்.பி. உள்ளிட்ட பலரும் கலந்துகொள்ள உள்ளனா் என்றாா் அவா்.