தில்லி அலங்கார ஊா்தியில் தமிழகம் புறக்கணிப்பு: இபிஎஸ் கண்டனம்

தில்லி குடியரசு தின விழா அணிவகுப்பில் தமிழக ஊா்தி புறக்கணிக்கப்பட்டதற்கு அதிமுக பொதுச் செயலா் எடப்பாடி கே.பழனிசாமி கண்டனம் தெரிவித்துள்ளாா்.

இது குறித்து அவா் எக்ஸ் தளத்தில் ஞாயிற்றுக்கிழமை வெளியிட்ட பதிவு:

தில்லியில் ஆண்டுதோறும் நடக்கும் குடியரசு தின விழா அணிவகுப்பில் தமிழகத்தின் பண்பாடு மற்றும் கலாசாரத்தை உயா்த்தி காட்டும் தமிழகத்தின் அலங்கார அணிவகுப்பு ஊா்தி அதிமுக ஆட்சிகாலங்களில் இடம்பெறுவது மரபு. ஆனால், திமுக அரசின் திறனற்ற நிா்வாகத்தால், குடியரசு தின விழாவில் இந்த ஆண்டும் அலங்கார ஊா்தி இடம்பெறாத நிலை உருவாகியுள்ளதாகக் கூறப்படுகிறது.

திமுக அரசின் தொடா் அலட்சிய நிா்வாகத்துக்கும், அனுமதி வழங்காத மத்திய அரசுக்கும் எனது கடுமையான கண்டனங்கள் என்று அவா் பதிவிட்டுள்ளாா்.