தில்லி முதல்வா் இரு நாள் உத்தரகாண்ட் பயணம்

தில்லியில் 100 நாள்கள் பதவியை நிறைவு செய்த நிலையில் தில்லி முதல்வா் ரேகா குப்தா ஞாயிற்றுக்கிழமை உத்தரகாண்டிற்கு இரண்டு நாள் குறுகியகால பயணமாக புறப்பட்டாா்.

இந்த பயணத்தின் போது அவா் தனது குடும்பத்தினருடன் சென்ாக தகவலறிந்த வட்டாரங்கள் தெரிவித்தன.

இதுகுறித்து அவ்வட்டாரங்கள் மேலும் தெரிவித்ததாவது: குப்தா ஞாயிற்றுக்கிழமை ஹரித்வாரில் தங்கி இருப்பாா். அங்கு அவா் ஹா் கி பௌரி படித்துறையில் கங்கையில் புனித நீராடுவாா். மேலும், ஹரித்வாரில் ஒரு தா்மசாலாவைத் திறந்துவைப்பா. அன்று மாலையில் ரிஷிகேஷில் கங்கா ஆரத்தியிலும் பங்கேற்பாா்.

திங்கள்கிழமை அவா் கேதாா்நாத்துக்குச் செல்ல வாய்ப்புள்ளது என்று அந்த வட்டாரங்கள் தெரிவித்தன.

தில்லியில் குப்தா தலைமையிலான பாஜக அரசு வெள்ளிக்கிழமை 100 நாள்கள் ஆட்சியை நிறைவு செய்தது. நிகழாண்டு பிப்ரவரியில் நடைபெற்ற சட்டப் பேரவைத் தோ்தலில் பாஜக வெற்றி பெற்று, 27 ஆண்டுகளுக்குப் பிறகு தில்லியில் அரசாங்கத்தை அமைத்தது.

பிப்ரவரி 20 அன்று தில்லி ராம்லீலா மைதானத்தில் நடந்த விழாவில் தனது அமைச்சரவை அமைச்சா்களுடன் தில்லி முதலமைச்சராக ரேகா குப்தா பதவியேற்றாா்.