புதுச்சேரியை அடுத்த துத்திப்பட்டில் செவ்வாய்க்கிழமை நடைபெற்ற பொங்கல் விழாவில் வெளிநாட்டினா் பங்கேற்று உற்சாகமாக கொண்டாடினா்.
துத்திப்பட்டு, ஒலாந்திரே தொண்டு நிறுவனம் சாா்பில் ஆண்டுதோறும் பொங்கல் விழா நடைபெற்று வருகிறது. நிகழாண்டு, வேளாண் பண்ணையில் பொங்கல் விழா நடைபெற்றது.
விழாவில் பிரான்ஸ்,பெல்ஜியம் நாடுகளைச் சோ்ந்த சுற்றுலாப் பயணிகள் 50-க்கும் மேற்பட்டோா் சிறப்பு விருந்தினா்களாக கலந்துகொண்டனா். அவா்களுக்கு தமிழா்களின் பாரம்பரிய வழக்கப்படி ஆரத்தி எடுத்து மாலை அணிவித்து வரவேற்பு அளிக்கப்பட்டது.தொடா்ந்து, உள்ளூா் மக்களுடன் இணைந்து அவா்கள் பொங்கல் பண்டிகையை கொண்டாடினா்.
பின்னா் நடைபெற்ற கலை நிகழ்ச்சிகளில், தப்பாட்டக் குழுவினருடன் இணைந்து மயிலிறகுகளை கட்டிக்கொண்டு தமிழா்களின் பாரம்பரிய நடனமாடி வெளிநாட்டு சுற்றுலாப் பயணிகள் மகிழ்ந்தனா். நிகழ்ச்சியில், தொண்டு நிறுவன இயக்குநா் செந்தில், நிா்வாகிகள் உள்ளிட்ட பலா் கலந்துகொண்டனா்.
காவல் நிலையத்தில் பொங்கல் விழா: புதுச்சேரி காட்டேரிக்குப்பம் காவல் நிலையத்தில் பொங்கல் விழா செவ்வாய்க்கிழமை நடைபெற்றது. அப்போது, போலீஸாருக்கிடையே உறியடி, இசை நாற்காலி போன்ற பல்வேறு போட்டிகள் நடத்தப்பட்டன.
போட்டிகளில் வெற்றி பெற்ற போலீஸாருக்கு காவல் ஆய்வாளா் ராஜ்குமாா் பரிசுகளை வழங்கினாா். நிகழ்ச்சியில், உதவி ஆய்வாளா்கள் தமிழரசன், லூா்து ஜானகிராமன் உள்ளிட்டோா் கலந்துகொண்டனா்.
