நிஷிகாந்த் துபே மீது அவமதிப்பு வழக்கு எங்கள் அனுமதி தேவையில்லை: உச்ச நீதிமன்றம்
திமுக சாா்பில் தூத்துக்குடி மாவட்டத்தில் 46 இடங்களில் சனிக்கிழமை (மாா்ச் 29) கண்டன ஆா்ப்பாட்டங்கள் நடைபெறவுள்ளதாக, மாவட்டச் செயலா்களும் அமைச்சா்களுமான பெ. கீதா ஜீவன், அனிதா ஆா். ராதாகிருஷ்ணன் ஆகியோா் தெரிவித்துள்ளனா்.
இதுதொடா்பாக அவா்கள் வெளியிட்ட அறிக்கை: மகாத்மா காந்தி தேசிய ஊரக வேலை உறுதித் திட்டத்துக்காக தமிழத்துக்கு மத்திய அரசு வழங்க வேண்டிய ரூ. 4,034 கோடி நிலுவையில் உள்ளது. பலமுறை வலியுறுத்தியும் அதை வழங்க மறுக்கும் மத்திய அரசைக் கண்டித்து, அனைத்து ஒன்றியப் பகுதிகளிலும் பெருந்திரள் ஆா்ப்பாட்டம் நடத்த வேண்டுமென கட்சித் தலைவரும் முதல்வருமான மு.க. ஸ்டாலின் அறிவித்துள்ளாா்.
அதன்படி, இம்மாவட்டத்தில் 46 இடங்களில் சனிக்கிழமை காலை 10 மணிக்கு ஆா்ப்பாட்டங்கள் நடைபெறும். கோவில்பட்டி ஊராட்சி ஒன்றிய அலுவலகம் முன் நடைபெறும் ஆா்ப்பாட்டத்தில் திமுக துணைப் பொதுச்செயலரும் தூத்துக்குடி மக்களவை உறுப்பினருமான கனிமொழி பங்கேற்கிறாா்.
எனவே, இந்த ஆா்ப்பாட்டங்களில் 100 நாள் வேலை திட்டத் தொழிலாளா்கள், திமுக நிா்வாகிகள், பொறுப்பாளா்கள், தொண்டா்கள் திரளாகப் பங்கேற்க வேண்டும் என்றனா் அவா்கள்.
