கோவை, ராமநாதபுரம் பகுதியில் உள்ள தேவாலயத்தின் உண்டியலை உடைத்து பணத்தை திருடியதாக தூத்துக்குடி மாவட்டத்தைச் சோ்ந்த இளைஞரை போலீஸாா் கைது செய்தனா்.
கோவை, ராமநாதபுரம் பகுதியில் கிறிஸ்தவ தேவாலயம் உள்ளது. இங்குள்ள உண்டியலை வெள்ளிக்கிழமை இரவில் மா்ம நபா்கள் உடைத்து அதிலிருந்த பணத்தை திருடிச் சென்ாக
ராமநாதபுரம் காவல் நிலையத்தில் தேவாலய நிா்வாகத்தின் சாா்பில் சனிக்கிழமை புகாா் தெரிவிக்கப்பட்டது.
இதையடுத்து அங்கு வந்த போலீஸாா் அந்தப் பகுதியில் பொருத்தப்பட்டிருந்த கண்காணிப்புக் கேமராக்களில் பதிவாகியிருந்த காட்சிகளை ஆய்வு செய்தபோது, இளைஞா் ஒருவா் தேவாலயத்தின் உண்டியலை உடைத்து திருடுவதும், மருதூா் பகுதியில் உள்ள ஒரு ஏடிஎம் மையத்தில் கொள்ளை முயற்சியில் ஈடுபட்டதும் பதிவாகியிருந்தது.
இதையடுத்து போலீஸாா் அந்த நபரை கைது செய்தனா். விசாரணையில் அவா், தூத்துக்குடி மாவட்டத்தைச் சோ்ந்த இனமுத்து (30) என்பதும், அவா் மனநிலை சரியில்லாதவா் என்பதும் தெரியவந்தது. இதையடுத்து போலீஸாா் அவரிடம் தொடா்ந்து விசாரணை மேற்கொண்டு வருகின்றனா்.
