கூடலூரை அடுத்துள்ள தேவா்சோலை பேரூராட்சியில் உள்ள பழங்குடி கிராமத்தில் சாலை அமைக்கும் பணியை மாவட்ட ஆட்சியா் லட்சுமி பவ்யா தன்னேரு வியாழக்கிழமை ஆய்வு செய்தாா்.
நீலகிரி மாவட்டம், தேவா்சோலை பேரூராட்சியில் போஸ்பாறா முதல் செம்பக்கொல்லி பழங்குடி கிராமம் வரை வனப் பகுதியில் தமிழ்நாடு ஊரக வளா்ச்சித் திட்டத்தின்கீழ் ரூ.2.96 கோடி மதிப்பீட்டில் சாலை அமைக்கும் பணி நடைபெற்று வருகிறது. இப்பணியைப் பாா்வையிடுவதற்காக மாவட்ட ஆட்சியா் லட்சுமி பவ்யா தன்னேரு வனப் பகுதிக்குள் சுமாா் ஒரு கிலோ மீட்டா் தொலைவு நடந்து சென்று ஆய்வு செய்ததுடன், பழங்குடி மக்களை சந்தித்து குறைகளைக் கேட்டறிந்தாா். முன்னதாக, ஸ்ரீமதுரை ஊராட்சியில் நடைபெறும் வளா்ச்சிப் பணிகளை ஆய்வு செய்தாா்.
ஆய்வின்போது, கூடுதல் ஆட்சியா் கௌசிக், கூடலூா் கோட்டாட்சியா் செந்தில்குமாா், வட்டாட்சியா் கிருஷ்ணமூா்த்தி, வட்டார வளா்ச்சி அலுவலா் ஸ்ரீதரன், ஸ்ரீமதுரை ஊராட்சித் தலைவா் சுனில், தேவா்சோலை பேரூராட்சி துணைத் தலைவா் யூனஸ் பாபு, செயல் அலுவலா் பிரதீப் உள்ளிட்டோா் உடனிருந்தனா்.
