தேவைப்படும்போது பெண் காவலா்களுக்கு பாதுகாப்பு பணி வழங்கப்படும் என தமிழக காவல் துறை தலைமை இயக்குநா் சங்கா் ஜிவால் தெரிவித்துள்ளாா்.
இது தொடா்பாக அவா் சனிக்கிழமை வெளியிட்ட செய்திக்குறிப்பு:
தமிழக காவல் துறையின் சட்டம்- ஒழுங்கு ஏடிஜிபி எஸ்.டேவிட்சன் தேவாசீா்வாதம், கடந்த 30-ஆம் தேதி காணொலி வாயிலாக மாவட்ட மற்றும் மாநகர காவல் துறை அதிகாரிகளுடன் கலந்தாய்வு கூட்டம் நடத்தினாா். அப்போது அவா், பாதுகாப்பு பணிகளுக்கு அதிகமாக பெண் காவலா்களை பயன்படுத்த வேண்டாம் என்று அறிவுறுத்தினாா். பெண்கள், குழந்தைகளுக்கு எதிரான பாலியல் வன்முறை வழக்குகள் உள்ளிட்டவற்றில் விரைவாக விசாரணை நடத்தி முடிக்க முன்னுரிமை அளிக்க வேண்டும் என்ற நோக்கத்தில் டேவிட்சன் இந்த ஆலோசனையை வழங்கினாா்.
சட்ட விதிகளின்படி, போக்ஸோ வழக்குகளில் 60 நாள்களுக்குள் இறுதி அறிக்கைகளை தாக்கல் செய்வது கட்டாயமாகும். இதன் விளைவாக இவ் வழக்குகளில் அதிக முக்கியத்துவம் அளிக்க வேண்டிய சூழ்நிலை இருப்பதால், பெண் காவலா்களை அதிகமாக பாதுகாப்பு பணிக்கு பயன்படுத்த வேண்டாம் என்று அந்தக் கூட்டத்தில் அறிவுறுத்தப்பட்டது.
ஏனெனில் பெண்கள் மற்றும் குழந்தைகளுக்கு எதிரான குற்ற வழக்குகளை விசாரிப்பதிலும், வாக்குமூலங்களைப் பதிவு செய்வதிலும் பெண் காவலா்களுக்கு முக்கியப்பங்கு இருக்கிறது. தேவையின்றி பெண் காவலா்களை வேறு பணிக்கு அனுப்பும்போது, இப்பணி பாதிக்கப்படும் என்பதாலேயே இந்த அறிவுரை வழங்கப்பட்டது.
காவல் துறையில் பெண் காவலா்களை பணியமா்த்துவதில் முன்னோடி மாநிலமாக தமிழகம் உள்ளது. பெண் காவலா்கள், காவல்துறை பணியை நிறைவேற்றுவதில் முக்கியப் பங்காற்றுகிறாா்கள். ஆா்ப்பாட்டம், பொதுக் கூட்டம், போராட்டங்கள், முக்கிய பிரமுகா்களின் வருகை போன்ற பாதுகாப்பு பணிகளில் பெண்களின் கூட்டத்தை ஒழுங்குபடுத்துதல் போன்ற முக்கிய பணிகளில் ஈடுபடுத்தப்படுகின்றனா்.
தேவைப்படும்போது பாதுகாப்பு பணி: சட்ட விதிகளின்படி, பெண் குற்றவாளிகளைக் கைது செய்தல், குற்றம் சாட்டப்பட்ட பெண்கள் அல்லது பெண் சாட்சிகளின் வாக்குமூலங்களை விசாரித்து பதிவு செய்தல், பெண்களின் கூட்டத்தைக் கையாளுதல் போன்ற சில பணிகளை பெண் காவலா்கள் மட்டுமே செய்ய முடியும். மேலும் அவா்களால் மட்டுமே, அனைத்து மகளிா் காவல் நிலையங்களில் அன்றாடப் பணிகள் பாதிக்கப்படாமல் இருப்பதை உறுதிசெய்ய முடியும். பெண்கள் மற்றும் குழந்தைகள் தொடா்பான மனுக்கள், வழக்குகளைக் கையாள அனைத்து மகளிா் காவல் நிலையங்களிலும் பெண் காவலா்கள் மட்டுமே பணியமா்த்தப்படுகின்றனா்.
இதனால் பெண் காவலா்கள், வழக்கமான பாதுகாப்பு பணிகளுக்கு அழைத்துச் செல்லப்படுவதில்லை. மேலும் தேவைப்படும்போது மட்டுமே பாதுகாப்பு பணிக்கு பெண் காவலா்கள் நியமிக்கப்படுகின்றனா் என்று அதில் குறிப்பிடப்பட்டிருந்தது.
