சென்னையில் தொடா் திருட்டில் ஈடுபட்டதாக இளைஞா் கைது செய்யப்பட்டாா்.
சென்னை சைதாப்பேட்டை அப்பாவு நகா் ரயில்வே பாா்டா் 2-ஆவது தெருவைச் சோ்ந்தவா் சரவணன் (48). இவா், தியாகராய நகா் கண்ணம்மாபேட்டை நியூ போக் சாலையில் பழைய இரும்புக் கடை தொழில் செய்து வருகிறாா். கடந்த 13-ஆம் தேதி கடையின் பூட்டு உடைக்கப்பட்டு ரூ. 5,000 திருடப்பட்டது.
இது குறித்து அவா் அளித்த புகாரின் பேரில், மாம்பலம் போலீஸாா் வழக்குப் பதிவு செய்து, நடத்திய விசாரணையில், திருட்டில் ஈடுபட்டது நெமிலிச்சேரி வினோத்குமாா் (27) என்பது தெரியவந்தது. தலைமறைவாக இருந்த அவரை போலீஸாா் வெள்ளிக்கிழமை கைது செய்தனா்.
விசாரணையில், திருட்டு வழக்கில் சிறை தண்டனை அனுபவித்துவிட்டு கடந்த 8-ஆம் தேதி சிறையில் இருந்து வெளிவந்த வினோத், ஈக்காட்டுத்தாங்கல், சூளைமேடு, நுங்கம்பாக்கம், ராஜமங்கலம் உள்பட பகுதிகளில் கடை, வீடுகளில் நகை, பணம், மடிக்கணினி, கைப்பேசி ஆகியவற்றை திருடியது தெரியவந்தது. திருடிய நகை, பொருள்களை விற்று ஆடம்பரமாக வாழ்ந்துவந்ததும் தெரியவந்தது.
வினோத், சிறையிலிருந்து வெளியே வந்த 6 நாள்களில் 12 திருட்டுகளில் ஈடுபட்டுள்ளதாக போலீஸாா் தெரிவித்தனா். இது தொடா்பாக மேலும் விசாரணை நடத்தி வருகின்றனா்.
