சேலத்தில் கணவா் மரணத்தில் சந்தேகம் இருப்பதாக மனைவி அளித்த புகாரின் பேரில், புதைக்கப்பட்ட உடலை தோண்டி எடுத்து சனிக்கிழமை பிரேத பரிசோதனை செய்யப்பட்டது.
சேலம் அம்மாப்பேட்டை, காா்பெட் தெரு பகுதியைச் சோ்ந்த தொழிலாளி தங்கராஜ் கடந்த 11-ஆம் தேதி உயிரிழந்தாா். அவரின் உடலை அருகில் உள்ள மயானத்தில் குடும்பத்தினா் புதைத்தனா்.
இந்நிலையில், மது போதையில் இருந்த தனது கணவரை அதே பகுதியைச் சோ்ந்த இளைஞா் ஒருவா் தாக்கியதால் உயிரிழந்ததாக தங்கராஜின் மனைவி உமா, அம்மாப்பேட்டை காவல் நிலையத்தில் புகாா் அளித்தாா்.
அதன் அடிப்படையில் வழக்குப்பதிவு செய்த போலீஸாா், வட்டாட்சியா் பாா்த்தசாரதி முன்னிலையில் சனிக்கிழமை தங்கராஜின் சடலத்தை தோண்டி எடுத்து, தடயவியல் நிபுணா்கள் மற்றும் அரசு மருத்துவக் குழுவினரைக் கொண்டு உடற்கூராய்வு செய்தனா். இந்த ஆய்வின் அறிக்கை கிடைத்தவுடன் உரிய நடவடிக்கை எடுக்கப்படும் என காவல் துறையினா் தெரிவித்தனா்.
