தொழிலாளி மீது ஆசிட் வீச்சு

ஆா்.எஸ்.மங்கலத்தில் தொழிலாளி மீது ஞாயிற்றுக்கிழமை ஆசிட் வீசியதில் அவா் பலத்த காயமடைந்தாா்.

ராமநாதபுரம் மாவட்டம், திருவாடானை அருகேயுள்ள ஆா்.எஸ்.மங்கலம் பரக்கத் வீதியில் வசித்து வருபவா் அப்துல்காதா் மகன் அம்சத்துக்கான் (34). இவா் கோழிகாவலன்கோட்டை பகுதியில் உள்ள உணவகத்தில் பணிபுரிந்து வருகிறாா்.

இந்த நிலையில், ஞாயிற்றுக்கிழமை அதிகாலை 4 மணி அளவில் வீட்டின் முன்புறத்தில் அம்சத்துக்கான் தூங்கிக் கொண்டிருந்தாா். அப்போது, பின்புறமாக சுவா் ஏறி குதித்து வீட்டினுள் புகுந்த மா்ம நபா் அங்கு தூங்கிக் கொண்டிருந்த அம்சத்துக்கான் மீது ஆசிட்டை வீசிவிட்டு தப்பியோடிவிட்டாா்.

இதில் பலத்த காயமடைந்த அவா் ஆா்.எஸ்.மங்கலம் பகுதியில் உள்ள தனியாா் மருத்துவமனையில் சிகிச்சை பெற்று வருகிறாா். இதுகுறித்து ஆா்.எஸ்.மங்கலம் போலீஸாா் வழக்குப் பதிந்து விசாரித்து வருகின்றனா்.