மகாராஷ்டிரம்: சட்டப் பேரவை தேசியவாத காங்கிரஸ் தலைவராக அஜீத் பவாா் தோ்வு
விளாத்திகுளத்தில் ஸ்ரீ சத்ய சாய்பாபாவின் 99ஆவது ஆண்டு அவதார திருநாள் விழா, பல்வேறு துறைகளில் சாதனை படைத்தோருக்கு விருது வழங்கும் விழா ஞாயிற்றுக்கிழமை நடைபெற்றது.
ஸ்ரீ சத்ய சாய் சேவா சமிதி அமைப்பு சாா்பில் நடைபெற்ற விழாவுக்கு அதன் விளாத்திகுளம் தொகுதிப் பொறுப்பாளா் இளையராஜா மாரியப்பன் தலைமை வகித்தாா். சாய்பாபா ரத ஊா்வலம் மீனாட்சியம்மன் கோயில் முன்பு தொடங்கி நகரின் முக்கிய வீதிகள் வழியாகச் சென்று ஸ்ரீசக்தி முருகன் மகாலில் நிறைவடைந்தது.
தொடா்ந்து, நாகசுர மங்கள இசை, வேத பாராயணம், நாம சங்கீா்த்தனம், பஜனை, சொற்பொழிவு, பரதம், மகா மங்கள ஆரத்தி, பிரசாதம் வழங்குதல் உள்ளிட்ட நிகழ்ச்சிகள் நடைபெற்றன.
விழாவில், ஆன்மிகத் திருப்பணிகள், இத்தொகுதியில் ஒரு கோடி மரக்கன்றுகள் நட்டு பராமரித்து பசுமை மண்டலமாக உருவாக்குதல் ஆகிய பணிகளுக்காக எம்எல்ஏ ஜீ.வி. மாா்க்கண்டேயனுக்கு ‘ஸ்ரீ சத்ய சாய் பிரேமதரு நாயகன்’ விருது வழங்கப்பட்டது. கலைத் துறைகளில் சாதனை படைத்த மாணவா்-மாணவிகளுக்கு பரிசுகள், சான்றிதழ்கள் வழங்கப்பட்டன.
விழாவில், விளாத்திகுளம் பேரூராட்சித் தலைவா் சூா்யா அய்யன்ராஜ், இளைஞரணி துணை அமைப்பாளா் இம்மானுவேல், சமூக ஆா்வலா் சோமசுந்தரம், வாா்டு செயலா் ஸ்டாலின் கென்னடி, தகவல் தொழில்நுட்ப அணி ஒருங்கிணைப்பாளா் ஸ்ரீதா், மாணவரணி துணை அமைப்பாளா் ராஜு உள்ளிட்ட பலா் பங்கேற்றனா்.
