நகராட்சியுடன் இணைக்க எதிா்ப்பு தெரிவித்து காத்திருப்பு போராட்டம்

திருவாரூா் நகராட்சியுடன் பெருங்குடி ஊராட்சியை இணைக்க எதிா்ப்பு தெரிவித்து காத்திருப்பு போராட்டம் புதன்கிழமை நடைபெற்றது.

திருவாரூா் நகராட்சியுடன் பெருங்குடி, கீழகாவாதுக்குடி, தண்டலை, இலவங்காா்குடி உள்ளிட்ட சில ஊராட்சிகளும், சில ஊராட்சிகளில் குறிப்பிட்ட பகுதிகளும் இணைக்க உள்ளதாக தமிழக அரசு அறிவித்துள்ளது. இதனிடையே, பெருங்குடி ஊராட்சியை திருவாரூா் நகராட்சியுடன் இணைக்க அப்பகுதி மக்கள் எதிா்ப்பு தெரிவித்து பெருங்குடிகிராம நிா்வாக அலுவலகம் முன் காத்திருப்பு போராட்டம் நடைபெற்றது. இதில், பெருங்குடி, கீழப்படுகை, தென்கரை வேலங்குடி ஆகிய கிராமங்களைச் சோ்ந்த மக்கள் பங்கேற்றனா்.

விவசாயம் சாா்ந்த பகுதியான பெருங்குடி ஊராட்சியை நகராட்சியோடு இணைப்பதன் மூலம் விவசாயத்தையும், விவசாயம் சாா்ந்த கூலித் தொழிலையும் நம்பி இருக்கும் மக்கள் பெருமளவு பாதிக்கப்படுவா், 100 நாள் வேலைத் திட்டம், வீடு இல்லாத ஏழைகளுக்கு அரசின் இலவச வீட்டுத் திட்டம் உள்ளிட்ட பல்வேறு திட்டங்களும், சலுகைகளும் பாதிக்கப்படும் என்பதால் திருவாரூா் நகராட்சியுடன் பெருங்குடி ஊராட்சியை இணைக்கும் முடிவை கைவிட வேண்டும் என்பதை வலியுறுத்தி போராட்டத்தில் முழக்கங்கள் எழுப்பப்பட்டன.

போராட்டத்துக்கு ஆதரவு தெரிவித்து, மாா்க்சிஸ்ட் கம்யூனிஸ்ட் கட்சியின் தமிழ் மாநிலக் குழு உறுப்பினா் ஐவி. நாகராஜன் பங்கேற்று கோரிக்கையை விளக்கிப் பேசினாா். தொடா்ந்து, போராட்டத்தில் ஈடுபட்டவா்களுடன் வட்டாட்சியா் செந்தில்குமாா், காவல் துறையினா் நடத்திய பேச்சுவாா்த்தையில் சுமூக நிலை ஏற்பட்டு போராட்டம் விலக்கிக்கொள்ளப்பட்டது.