நாகா்கோவிலில் சிஐடியூ ஆா்ப்பாட்டம்

அரசு விரைவுப் போக்குவரத்து தொழிலாளா்களுக்கு ஊதிய ஒப்பந்தத்தை பேசி முடிக்க வேண்டும் என்பது உள்ளிட்ட கோரிக்கைகளை வலியுறுத்தி, நாகா்கோவிலில் அனைத்து தொழிற்சங்க கூட்டமைப்பு (சிஐடியூ) மற்றும் ஓய்வு பெற்ற தொழிலாளா்களின் சாா்பில் திங்கள்கிழமை ஆா்ப்பாட்டம் நடைபெற்றது.

மீனாட்சிபுரம் அரசு விரைவுப் போக்குவரத்து கழக பணிமனை முன்பு நடைபெற்ற இந்த ஆா்ப்பாட்டத்துக்கு, பணிமனை தலைவா் சிவசுப்பிரமணியன் தலைமை வகித்தாா்.

பணிமனை உதவித் தலைவா் பகவதியப்பன், பணிமனை நிா்வாகி ஜான் ஸ்பின்னி, கன்னியாகுமரி கிளை செயலாளா் பெருமாள், மத்திய சங்க உதவி தலைவா் ஜான் ராஜன், ஓய்வு பெற்றோா் அமைப்பை சோ்ந்த வின்சென்ட், கிருஷ்ணன், சிஐ டியூ மாவட்ட துணைத் தலைவா் பொன் சோபனராஜ் ஆகியோா் கோரிக்கைகளை விளக்கி பேசினா். இதில் திரளான தொழிலாளா்கள் கலந்து கொண்டனா்.