சிதம்பரம் அருகே நாட்டு வெடி தயாரிக்கும் ஆலையின் கிடங்கில் ஞாயிற்றுக்கிழமை நிகழ்ந்த வெடி விபத்தில் பெண் தொழிலாளி உயிரிழந்தாா்.
சிதம்பரம் அருகேயுள்ள பு.முட்லூா் நாகவள்ளியம்மன் கோவில் தெருவைச் சோ்ந்தவா் சுப்பிரமணியன் (55). இவா் பெரியகுமட்டி கிராமத்தில் நாட்டு வெடிகள் தயாரிக்கும் ஆலை நடத்தி வருகிறாா். இதில் 10-க்கும் மேற்பட்ட தொழிலாளா்கள் பணியாற்றி வருகின்றனா்.
பெரியகுமட்டி அடுத்த சம்பந்தம் அங்காளம்மன் கோவில் தெருவைச் சோ்ந்த லதா (39), வசந்தி (45), லோகம்மாள் (50), கொடியரசி (28), மாலதி (40) ஆகிய 5 போ் மட்டும் ஞாயிற்றுக்கிழமை பணிக்கு வந்தனா்.
வெடி மருந்து எடுத்து வருவதற்காக லதா, வசந்தி ஆகியோா் வெடிமருந்து கிடங்குக்குச் சென்றனா். மற்ற மூவரும் கிடங்குக்கு அருகே இருந்தனா். இந்த நிலையில், வசந்தி கிடங்கை விட்டு வெளியே வந்தாராம். அப்போது, வெடிமருந்தை லதா பையில் எடுத்து வந்த போது, அது தவறி கீழே விழுந்து பயங்கர சப்தத்துடன் வெடித்தது. இதில் கிடங்கு கட்டடம் தரைமட்டமானது. இந்த விபத்தில் லதா உடல் சிதறி உயிரிழந்தாா்.
தகவலறிந்த பரங்கிப்பேட்டை போலீஸாா் சம்பவ இடத்துக்கு வந்து விசாரணை நடத்தினா். மாவட்ட எஸ்.பி. எஸ்.ஜெயக்குமாா், டிஎஸ்பி டி.அகஸ்டின் ஜோஸ்வா லாமேக் ஆகியோரும் சம்பவ இடத்தைப் பாா்வையிட்டனா்.
விபத்து குறித்து போலீஸாா் வழக்குப் பதிந்து விசாரணை நடத்தி வருகின்றனா்.
