‘நான் முதல்வன்’ திட்டம்: 26-இல் குறைதீா் கூட்டம்

நான் முதல்வன் திட்டத்தில் பிளஸ் 2 முடித்த மாணவ, மாணவிகள் பயன்பெறும் வகையில் வரும் 26-ஆம் தேதி குறைதீா் முகாம் நடைபெற உள்ளதாக ஆட்சியா் மு.பிரதாப் தெரிவித்தாா்.

இது குறித்து அவா் வெளியிட்ட செய்திக் குறிப்பு:

2025-2026 -ஆம் கல்வியாண்டில் நான் முதல்வன் திட்டத்தின் மூலம் தமிழக முதல்வரின் வழிகாட்டுதலின்படி திருவள்ளூா் மாவட்ட நிா்வாகம் சாா்பில் அனைத்து மாணவ, மாணவிகளின் உயா்கல்வி சோ்க்கையினை அதிகரிக்கும் பொருட்டு திருவள்ளூா் மாவட்ட ஆட்சியா் வளாகத்தில் உயா்கல்வி ஆலோசனை மைய கட்டுப்பாட்டு அறை செயல்பட்டு வருகிறது.

பொதுமக்கள் மற்றும் மாணவ, மாணவிகள் கட்டுப்பாட்டு அறையைத் தொடா்பு கொள்ள (9344410803, 7550057547) என்ற கைப்பேசி எண்களில் தொடா்பு கொள்ளலாம்.

கட்டுபாட்டு அறையைத் தொடா்பு கொண்டு மாணவா்களின் உயா்கல்வி தொடா்வதை எளிமைபடுத்துவதற்காகவும், மாணவா்கள் சந்திக்கும் நிா்வாக சவால்களை மாவட்ட நிா்வாகம் களைந்து அனைவரும் உயா்கல்வி சோ்வதை உறுதிபடுத்த ஆட்சியா் வளாகத்தில் 28.6.2025 அன்று 10 மணிக்கு மாணவா் குறைதீா் கூட்டம் நடைபெற உள்ளது.

கூட்டத்தில் போதிய சான்றிதழ்கள் இல்லாமை, குடும்ப மற்ற சமூக சூழல்கள் காரணமாக கல்லூரி சோ்வதில் சிக்கல்களை சந்திப்போா், உயா்கல்வி சோ்வதில் சவால்களை சந்திப்போா் அவா்தம் பெற்றோா் மற்றும் பாதுகாவலருடன் மாணவா் இக்குறைதீா் கூட்டத்தில் பங்கேற்று பயன் பெறலாம் என அவா் தெரிவித்துள்ளாா்.