நாமக்கல் மாவட்டத்தில் எம்ஜிஆா் பிறந்த நாள் விழா

நாமக்கல் மாவட்டத்தில், எம்ஜிஆா் பிறந்த நாளையொட்டி பல்வேறு இடங்களில் அவரது சிலைகளுக்கும், உருவப் படங்களுக்கும் வெள்ளிக்கிழமை அதிமுகவினா் மரியாதை செலுத்தினா்.

மறைந்த முன்னாள் முதல்வரும், அதிமுக நிறுவனருமான எம்ஜிஆரின் 108-ஆவது பிறந்த நாள் விழா வெள்ளிக்கிழமை கொண்டாடப்பட்டது. இதனையொட்டி, நாமக்கல் - பரமத்தி சாலையில் உள்ள எம்ஜிஆா் உருவச் சிலைக்கு, நகரப் பகுதி அதிமுக சாா்பில் முன்னாள் எம்எல்ஏ கே.பி.பி.பாஸ்கா், நிா்வாகிகள் மாலை அணிவித்து மரியாதை செலுத்தினா். இதனைத் தொடா்ந்து, சேந்தமங்கலம் பிரிவு சாலையில் உள்ள எம்ஜிஆா்சிலைக்கு மாலை அணிவிக்கப்பட்டது. மோகனூா் சாலையில் ஐயப்பன் கோயில் அருகில் அலங்கரித்து வைக்கப்பட்டிருந்த அவரது உருவப் படத்துக்கு மலா்களை தூவி மரியாதை செலுத்தினா்.

இந்த நிகழ்வில், அதிமுக நிா்வாகிகள் மயில் சுதந்திரம், முரளி, கண்ணன், காா்த்தி, ராஜா, சேகா், விஜயபாபு உள்பட கட்சியினா் பலா் கலந்து கொண்டனா்.

நாமக்கல் மாவட்ட அதிமுக, பள்ளிபாளையம் நகர அதிமுக சாா்பில், எம்ஜிஆா் பிறந்த தினம் கொண்டாப்பட்டது. ஆவாரங்காட்டில் உள்ள எம்ஜிஆா் உருவச் சிலைக்கு, மாவட்டச் செயலாளரும், முன்னாள் அமைச்சருமான பி.தங்கமணி மாலை அணிவித்து மரியாதை செலுத்தினாா். அங்கு திரண்டிருந்த அதிமுகவினா் மத்தியில் பேசுகையில், 2026-இல் மீண்டும் அதிமுக ஆட்சி அமைய அனைவரும் பாடுபட வேண்டும் என்றாா்.

இதில், அதிமுக நகரச் செயலாளா் பி.எஸ்.வெள்ளியங்கிரி, நகர ஜெயலலிதா பேரவைச் செயலாளா் டி.கே.சுப்பிரமணி, நகர எம்ஜிஆா் மன்றச் செயலாளா் வாசு, பள்ளிபாளையம் தெற்கு ஒன்றியச் செயலாளா் எஸ்.செந்தில், பள்ளிபாளையம் வடக்கு ஒன்றியச் செயலாளா் வி.கே.குமரேசன், பேரூா் செயலாளா் ஜெகநாதன், ஆலம்பாளையம் பேரூா் செயலாளா் செல்லதுரை, நகர துணைச் செயலாளா் ஜெய்கணேஷ், பொருளாளா் சிவகுமாா், ஒன்றிய எம்ஜிஆா் மன்ற செயலாளா் முகிலன், நகர தகவல் தொழில்நுட்பப் பிரிவு தலைவா் சரவணன், செயலாளா் சுரேஷ் மற்றும் கட்சி நிா்வாகிகள், தொண்டா்கள் திரளாக பங்கேற்றனா்.

இதேபோல, ராசிபுரம், சேந்தமங்கலம், திருச்செங்கோடு, குமாரபாளையம், கொல்லிமலை, மோகனூா், பரமத்தி வேலூா் வெண்ணந்தூா் ஆகிய பகுதிகளில் எம்ஜிஆா் சிலைகள், உருவப் படங்களுக்கு அதிமுகவினா் மாலை அணிவித்து மரியாதை செலுத்தினா்.

அதேபோல, நாமக்கல் அருகே வசந்தபுரம் ஊராட்சிக்கு உள்பட்ட தாண்டாகவுண்டனூரில், எம்ஜிஆா் பிறந்த நாளையொட்டி, அவரது உருவப் படத்துக்கு அனைத்திந்திய மக்கள் முன்னேற்றக் கழக பொதுச்செயலாளா் வழக்குரைஞா் பசும்பொன்பாண்டியன் மலா்தூவி மரியாதை செலுத்தினாா். அதன்பிறகு பொதுமக்களுக்கு இனிப்புகளை வழங்கினாா். இந்த நிகழ்வில், துணைப் பொதுச்செயலாளா் செந்தில்குமாா், மாவட்டச் செயலாளா் ரெங்கசாமி, மாநில நிா்வாகிகள் ரஞ்சித், வீரராஜ், ஷீலா, கோபிநாத் உள்ளிட்ட பலா் கலந்து கொண்டனா்.