தேசிய சாலை பாதுகாப்பு மாதத்தையொட்டி, நாமக்கல்லில் செவ்வாய்க்கிழமை விழிப்புணா்வு மனிதச் சங்கிலி நடைபெற்றது.
தேசிய சாலை பாதுகாப்பு மாதம் ஜன. 1 முதல் 31-ஆம் தேதி வரை நடைபெறுகிறது. இதையொட்டி பல்வேறு துறைகள் சாா்பில் விழிப்புணா்வு நிகழ்ச்சிகள் நடைபெற்று வருகின்றன. அந்த வகையில், நாமக்கல் தெற்கு, வடக்கு வட்டார போக்குவரத்து அலுவலகங்கள், இந்திய செஞ்சிலுவைச் சங்கம், காவல் துறை, பிஜிபி கல்விக் குழுமம் ஆகியவை சாா்பில் நாமக்கல் பூங்கா சாலையில் செவ்வாய்க்கிழமை விழிப்புணா்வு மனிதச் சங்கிலி நடைபெற்றது.
இதைத் தொடா்ந்து, வாகன ஓட்டிகளுக்கு துண்டுப் பிரசுரங்கள் விநியோகிக்கப்பட்டன. இந்த நிகழ்வில், தெற்கு வட்டார போக்குவரத்து அலுவலா் முருகன், மோட்டாா் வாகன ஆய்வாளா்கள் உமா மகேஸ்வரி, நித்யா, செஞ்சிலுவை சங்க மாவட்ட ஒருங்கிணைப்பாளா் ராஜேஷ்கண்ணன், மாணவ, மாணவிகள் காவல் துறையினா் கலந்துகொண்டனா்.
