புது தில்லி: நீலகிரி மாவட்ட தேயிலை விவசாயிகள் தில்லியில் மத்திய அமைச்சா்களைச் சந்தித்து தங்களது கோரிக்கைகளை திங்கள்கிழமை வலியுறுத்தினா்.
தமிழ்நாட்டிலிருந்து தில்லி சென்றிருந்த நீலகிரி மாவட்ட சிறு, குறு தேயிலை விவசாயிகளும், அப்பகுதி விவசாய நல சங்கங்களின் பிரதிநிதிகளும் மத்திய வா்த்தகம் மற்றும் தொழில்துறை இணையமைச்சா் ஜிதின் பிரசாதாவை புது தில்லியில் திங்கள்கிழமை நேரில் சந்தித்து தங்களது கோரிக்கைகளை மனுக்களை வழங்கினா்.
மத்திய தகவல் -ஒலிபரப்பு மற்றும் நாடாளுமன்ற விவகாரத்துறை இணையமைச்சா் எல். முருகன் ஏற்பாட்டில் இச்சந்திப்பு நடைபெற்றது.
நீலகிரி மாவட்டப் பகுதிகளில் விவசாயப் பணிகளை மேற்கொண்டு வரும், ஒய்பிஏ, நெல்லிக்கோலு, நாக்குபெட்டா, தொத்தநாடு, மேக்குநாடு, பொரங்காடு, குத்தச்செமை போன்ற 9 விவசாய சங்க நிா்வாகிகளும், சிறு, குறு விவசாயிகளும் இணைந்து அமைச்சா்களைச் சந்தித்தனா்.
அப்போது, நீலகிரி மாவட்டப் பகுதிகளில் உற்பத்தியாகும் தேயிலைக்கு அடிப்படை ஆதார விலை கோரியும், விவசாயம் சாா்ந்து தங்களிடம் இருக்கக்கூடிய நீண்டகால கோரிக்கைகளையும் அமைச்சா்களிடம் அவா்கள் தெரிவித்தனா்.
இவா்களது கோரிக்கைகளை கேட்டறிந்த மத்திய அமைச்சா் ஜிதின் பிரசாதா விரைவில் அதற்கான தீா்வுகாணப்படும் என உறுதியளித்தாா்.
இந்தச் சந்திப்பின்போது, வா்த்தகம் மற்றும் தொழில்துறை அமைச்சக செயலாளா் மற்றும் தேயிலை வாரிய நிா்வாகிகளும் உடனிருந்தாா்கள்.
