பக்கிள் ஓடை அருகே சைக்கிள் ஓட்டுவதற்கு வழித்தடம்: மேயா் ஜெகன் பெரியசாமி

தூத்துக்குடி மாநகராட்சியில் உள்ள பக்கிள் ஓடை அருகே சைக்கிள் ஓட்டுவதற்கான வழித்தடம் விரைவில் நடைமுறைக்கு வரவுள்ளதாக மேயா் ஜெகன் பெரியசாமி தெரிவித்தாா்.

தூத்துக்குடி மில்லா்புரத்தில் உள்ள மாநகராட்சி மேற்கு மண்டல அலுவலகத்தில் மக்கள் குறைதீா் கூட்டம் புதன்கிழமை நடைபெற்றது.

இக் கூட்டத்துக்கு, மேயா் ஜெகன் பெரியசாமி தலைமை வகித்தாா். ஆணையா் லி. மதுபாலன் முன்னிலை வகித்தாா். மண்டலத் தலைவா் அன்னலட்சுமி வரவேற்றாா்.

இக் கூட்டத்தை மேயா் தொடங்கி வைத்து பேசியதாவது: இந்த மண்டலத்துக்குள்பட்ட பகுதியில் உள்ள பக்கிள் ஓடை 3 கி.மீ. தொலைவு உள்ளது. இந்த ஓடை அருகே எதிா்கால தலைமுறையினா் உடல் நலத்தைக் கருத்தில் கொண்டு, சிறுவா்கள் சைக்கிள் ஓட்டுவதற்கு ஏற்றாற் போல் வழித்தடமும் உருவாக்கப்பட்டுள்ளது.

அதை 4ஆம் கேட் வரை கொண்டு வந்து விரைவில் பயன்பாட்டுக்கு கொண்டுவரும் பணிகள் மேற்கொள்ளப்பட்டு வருகிறது. இதுவரை 636 மனுக்கள் பெறப்பட்டு 600 மனுக்களுக்கு தீா்வு காணப்பட்டுள்ளது. மீதம் உள்ள 36 மனுக்களுக்கு விரைவில் தீா்வு காணப்படும்.

விடுபட்டுள்ள மற்றும் புதிதாக 1,600 தெருவிளக்குகள் அமைக்கப்படவுள்ளன. காலி இடங்களில் குறுங்காடுகள் அமைக்கும் பணி நடைபெற்று வருகிறது. மேலும், வரும் காலங்களில் எவ்வளவு மழை பெய்தாலும், தண்ணீா் கடலுக்கு செல்வதற்கான அனைத்து பணிகளும் செய்யப்பட்டுள்ளன என்றாா்.

இக் கூட்டத்தில், துணைஆணையா் சரவணக்குமாக், உதவி ஆணையா் பாலமுருகன், நகர அமைப்பு திட்ட துணை செயற்பொறியாளா்கள் காந்திமதி, இா்வின் ஜெபராஜ், உதவி பொறியாளா் சரவணன், நகா்நல அலுவலா் சரோஜா, சுகாதார ஆய்வாளா் ராஜபாண்டி, மாமன்ற உறுப்பினா்கள், பொதுமக்கள் பலா் பங்கேற்றனா்.