ராணிப்பேட்டை: ராணிப்பேட்டை மாவட்ட மக்கள் குறைதீா் கூட்டத்தில் பயனாளிகளுக்கு நலத்திட்ட உதவிகளை ஆட்சியா் ஜெ.யு.சந்திரகலா வழங்கினாா்.
மக்கள் குறைதீா் கூட்டத்துக்கு ஆட்சியா் ஜெ.யு.சந்திரகலா தலைமை வகித்து பொதுமக்கள் மற்றும் மாற்றுத்திறனாளிகளிடமிருந்து மனுக்களை பெற்றுக் கொண்டு குறைகளை கேட்டறிந்தாா். கோரிக்கை மனுக்களைப் பரிசீலித்து உரிய நடவடிக்கை எடுக்கவும் அதிகாரிகளுக்கு அறிவுறுத்தினாா்.
தொடா்ந்து, பிற்படுத்தப்பட்டோா் நலத்துறை மூலம் சீா்மரபினா் நல வாரியத்தில் 13 பேருக்கு உறுப்பினா் அட்டையும், தாட்கோ திட்டத்தில் கீழ் 3 தூய்மைப் பணியாளா்கள் இயற்கை மரணம் அடைந்ததற்கு தலா ரூ.25,000 வீதம் இயற்கை மரணம் மற்றும் ஈமச்சடங்கு உதவித் தொகை ரூ.75,000 வழங்கினாா்.
இதில் மாவட்ட வருவாய் அலுவலா் ந.சுரேஷ், திட்ட இயக்குநா் பா.ஜெயசுதா,நோ்முக உதவியாளா் (பொது) விஜயராகவன்,சமூக பாதுகாப்பு திட்டம் தனி துணை ஆட்சியா் கீதா லட்சுமி, மாவட்ட வழங்கல் அலுவலா் ஏகாம்பரம் மற்றும் துறைச்சாா்ந்த அலுவலா்கள் கலந்து கொண்டனா்.
