புதுக்கோட்டை மாவட்டம், அன்னவாசல் ஒன்றியத்தைச் சோ்ந்த பரம்பூரிலுள்ள பள்ளத்திக்குளத்தை சீரமைத்து, கழிவுகள் கொட்டப்படுவதில் இருந்து பாதுகாக்க வேண்டும் என அப்பகுதி மக்கள் கோரிக்கை விடுத்துள்ளனா்.
புதுக்கோட்டை மாவட்ட ஆட்சியா் அலுவலகத்தில் திங்கள்கிழமை நடைபெற்ற மக்கள் குறைகேட்பு நாள் கூட்டத்தில் பரம்பூா் மக்கள் அளித்த மனு விவரம்: பல ஆண்டுகளாக பரம்பூரிலுள்ள பள்ளத்திக்குளத்தில் இருந்துதான் இந்த ஊராட்சியைச் சோ்ந்த மக்களுக்கான குடிநீா் தேவை பூா்த்தி செய்யப்படுகிறது. ஆனால் கடந்த சில ஆண்டுகளில் இந்தக் குளத்தில் கொட்டப்படும் கழிவுகளால், தண்ணீா் மாசடைந்து வருகிறது. எனவே, குளத்தில் கழிவுகள் கொட்டப்படுவதைத் தடுக்க வேண்டும். ஏற்கெனவே கொட்டப்பட்ட கழிவுகளை முறையாக அப்புறப்படுத்தி சீரமைக்க வேண்டும் என அந்த மனுவில் குறிப்பிடப்பட்டுள்ளது.
100 நாள் வேலை தொடர...
புதுக்கோட்டை 9ஏ நத்தம்பண்ணை ஊராட்சியைச் சோ்ந்த மக்கள் அளித்த மனு: புதுக்கோட்டை 9ஏ நத்தம்பண்ணை ஊராட்சி, புதுக்கோட்டை மாநகராட்சியுடன் இணைக்கப்பட்டுள்ளது. இதுவரை எங்களுக்கு மகாத்மா காந்தி தேசிய கிராமப்புற வேலை உறுதித் திட்டத்தில் பணிகள் வழங்கப்பட்டு வந்தன. தொழில் வளமும், விவசாயமும் இல்லாத நிலையில் எங்களுக்கு இந்தப் பணிகள் பயனுள்ளதாக இருந்தன. தற்போது இத்திட்டப் பணிகள் நிறுத்தப்பட்டதால், எங்களின் வாழ்வாதாரம் பாதிக்கப்பட்டுள்ளது. தொழில் வளத்தை உருவாக்கும் வரையில் எங்கள் பகுதியினருக்கு 100 நாள் வேலை வழங்க வேண்டும்.
மாணவிகளைத் தூண்டியவா்கள்...
புதுக்கோட்டை மாவட்டம் அரிமளம் அருகேயுள்ள ஓா் அரசுப் பள்ளியில் உதவித் தலைமை ஆசிரியா் பெருமாள் மாணவிகளுக்கு பாலியல் தொந்தரவு கொடுத்ததாக கைது செய்யப்பட்டுள்ளாா். இந்த நிலையில் அப்பகுதி மக்கள் ஆட்சியா் அலுவலகத்தில் அளித்த மனு:
பாரம்பரியம்மிக்க எங்கள் பள்ளியில் சுமாா் 10 ஆண்டுகளுக்கும் மேலாக அப்பழுக்கின்றிப் பணியாற்றி வந்த ஆசிரியருக்கு எதிராக மாணவிகளைத் தூண்டிவிட்டதாக கருதப்படும் ஆசிரியா்கள் குமரேசன், சேதுபதிராஜா, புகழேஷ் ஆகியோா் மீது நடவடிக்கை எடுக்க வேண்டும். குற்றம்நடந்ததாகச் சொல்லப்படும் நாளில் சிறப்பு வகுப்பு நடைபெற்ால், அப்போது இருந்த அனைத்து மாணவிகளிடமும் விசாரணை நடத்த வேண்டும். பொய்க் குற்றச்சாட்டில் பணி இடை நீக்கம் செய்யப்பட்டுள்ள ஆசிரியரை மீண்டும் இதே பள்ளியில் பணியாற்ற அனுமதிக்க வேண்டும் என அந்த மனுவில் குறிப்பிடப்பட்டுள்ளது.
