பல்லடம் பகுதியில் அரசால் தடை செய்யப்பட்ட புகையிலைப் பொருள்களை இருசக்கர வாகனத்தில் கடத்திச் சென்ற நபரை போலீஸாா் கைது செய்தனா்.
பல்லடம் பகுதியில் உள்ள பெட்டிக் கடைகள், பேக்கரி உள்ளிட்டவற்றில் போலீஸாா் அடிக்கடி சோதனை மேற்கொண்டு புகையிலைப் பொருள்கள் விற்பனை செய்பவா்கள் மீது நடவடிக்கை எடுத்து வருகின்றனா்.
இந்த நிலையில், பல்லடம் அண்ணா நகா் பகுதியில் போலீஸாா் திங்கள்கிழமை வாகன சோதனையில் ஈடுபட்டிருந்தனா்.
அப்போது, இருசக்கர வாகனத்தில் வந்த அதே பகுதியைச் மாதவன் (42) என்பவரை தடுத்து நிறுத்தி சோதனை மேற்கொண்டனா்.
இதில் விற்பனைக்காக இருசக்கர வாகனத்தில் இரண்டரை கிலோ புகையிலைப் பொருள்களை அவா் கடத்திச் சென்றது தெரியவந்தது.
இதையடுத்து, புகையிலைப் பொருள்களை பறிமுதல் செய்த போலீஸாா், மாதவனைக் கைது செய்து விசாரணை நடத்தி வருகின்றனா்.
