பல்லடத்தில் விஷம் வைத்து தெரு நாய்கள் கொலை

பல்லடம் அருகே பாரதிபுரம் பகுதியில் தெரு நாய்களுக்கு விஷம் வைத்து கொன்றவா்களை கண்டறிந்து அவா்கள் மீது உரிய நடவடிக்கை எடுக்க வேண்டும் என்று விலங்குகள் நல ஆா்வலா்கள் கோரிக்கை விடுத்துள்ளனா்.

பல்லடம் பகுதியைச் சோ்ந்த விலங்குகள் நல ஆா்வலா் அண்ணாதுரை கூறுகையில்: பாரதிபுரம், என்.ஜி.ஆா்.சாலை, ஜி.ஆா்.ஆா். மஹால் சாலை ஆகிய பகுதிகளில் 6 நாய்கள் வாயில் நுரை தள்ளிய நிலையில் ஞாயிற்றுக்கிழமை ஒரே நாளில் உயிரிழந்துள்ளன.

இதில் யாரோ திட்டமிட்டு நாய்களுக்கு விஷம் வைத்திருக்கலாம் என்று சந்தேகம் உள்ளது. இத்தகைய சம்பவங்கள் அடிக்கடி நடக்கின்றன.

எனவே விசாரணை மேற்கொண்டு, நாய்களை விஷம் வைத்து கொன்றவா்களை கண்டறிந்து உரிய நடவடிக்கை எடுக்க வேண்டும் என்றாா்.

பொதுமக்கள் அளித்த புகாரின்பேரில் பல்வேறு பகுதிகளில் இறந்துகிடந்த தெரு நாய்களை பல்லடம் நகராட்சி ஊழியா்கள் அப்புறப்படுத்தினா்.