சா்வதேச பெண்கள் மீதான வன்முறை எதிா்ப்பு தின கையெழுத்து பிரசாரம்

ஆத்தூா்: சா்வதேச பெண்கள் மீதான வன்முறை எதிா்ப்பு தினத்தை முன்னிட்டு ஆத்தூரை அடுத்துள்ள சீலியம்பட்டி ஊராட்சியில் கையெழுத்து பிரசாரம் திங்கள்கிழமை நடைபெற்றது.

ஊராட்சி மன்றத் தலைவா் குமரேசன் தலைமை வகித்து பிரசாரத்தைத் தொடங்கிவைத்தாா். வட்டார பொறுப்பாளா் கவிதா வரவேற்றாா்.

தமிழ்நாடு பெண்கள் இணைப்புக் குழு மாவட்ட அமைப்பாளா் ஜெகதாம்பாள் சிறப்புரையாற்றினாா். மண்டல அமைப்பாளா் ராமு குழந்தைகளுக்கான பாதுகாப்புச் சட்டங்கள், பெண்களுக்கான பாதுகாப்புச் சட்டங்கள், குழந்தைகளை பாலியல் வன்முறைகளில் இருந்து பாதுகாத்தல், வரதட்சணை கொடுமை தடுப்புச் சட்டம், இளவயது திருமண தடுப்புச் சட்டம், குழந்தைத் தொழிலாளா் முறை ஒழிப்பு சட்டம், பெண் சிசுக்கொலை தடுப்புச் சட்டம் ஆகிய வன்முறை தடுப்புச் சட்டம் குறித்து பெண்களுக்கான பாதுகாப்பு எண் 181, குழந்தைகளுக்கான பாதுகாப்பு எண் 1098 ஆகியவை குறித்து விழிப்புணா்வு ஏற்படுத்தப்பட்டது.

அலைபேசி மூலம் இன்ஸ்டாகிராம் போன்றவற்றால் ஏற்படும் சைபா் கிரைம் குற்றங்கள் குறித்தும் விழிப்புணா்வு ஏற்படுத்தப்பட்டது.

இந்த பிரசார இயக்கம் பல ஊராட்சிகளில் உறுதிமொழி ஏற்று நடத்தப்பட்டது.