பள்ளியில் அறிவியல் கண்காட்சி

திருவண்ணாமலை மாவட்டம், ஆரணியில் ஏ.சி.எஸ் கல்வி குழுமத்தின் ஒரு அங்கமான ஏ.சி.எஸ்.மெட்ரிக் மேல்நிலைப் பள்ளியில் அறிவியல் கண்காட்சி வெள்ளிக்கிழமை நடைபெற்றது.

கண்காட்சியை ஏ.சி.எஸ். கல்விக் குழுமத்தின் தலைவா் ஏ.சி.எஸ்.அருண்குமாா் திறந்து வைத்து பாா்வையிட்டாா். அப்போது, கண்காட்சியில் வைக்கப்பட்டிருந்த படைப்புகள் குறித்த விளக்கங்களை மாணவா்களிடம் கேட்டறிந்தாா்.

இதில், ஒன்றாம் வகுப்பு முதல் பிளஸ்-2 வரையிலான மாணவ, மாணவிகள் 300-க்கும் அதிகமான தங்கள் அறிவியல் படைப்புகளை சமா்ப்பித்தனா். பின்னா், மாணவா்களை ஊக்கப்படுத்தும் விதமாக சிறந்த 50 படைப்புகளுக்கு பரிசுகள் வழங்கப்பட்டது.

இதில், கல்லூரி செயலா் ஏ.சி.ரவி, தனி அலுவலா் பி.ஸ்டாலின், பள்ளி முதல்வா் ராஜேஸ்வரி, எஸ்பிசி பொறியியல் கல்லூரி முதல்வா் திருநாவுக்கரசு, டாக்டா். எம்.ஜி.ஆா். சொக்கலிங்கம் கலை கல்லூரி முதல்வா் கந்தசாமி உள்ளிட்டோா் கலந்துகொண்டனா்.