சிறுமி உயிரிழப்பு வழக்கை சிபிசிஐடிக்கு மாற்றக் கோரி எஸ்.பி.யிடம் தந்தை மனு
கே.வி.குப்பம் அருகே பாஜக பிரமுகா் கொலை வழக்கில் கைது செய்யப்பட்டு சிறையில் அடைக்கப்பட்டுள்ள 4- போ் குண்டா் தடுப்புச் சட்டத்தின்கீழ் கைது செய்யப்பட்டனா்.
கே.வி.குப்பம் ஒன்றியம், நாகல் பகுதியைச் சோ்ந்த விட்டல் குமாா் (47) வேலூா் மாவட்ட பாஜக ஆன்மிக ஆலய மேம்பாட்டு பிரிவு செயலாளராக பதவி வகித்து வந்தாா். கடந்த டிச. 16- ஆம் தேதி இரவு சென்னங்குப்பம் அருகே சாலையோரம் ரத்த காயங்களுடன் மீட்கப்பட்ட இவா் தனியாா் மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்தாா்.
இதுகுறித்து கே.வி.குப்பம் போலீஸாா் மேற்கொண்ட விசாரணையில் அவா் கொலை செய்யப்பட்டது தெரிய வந்தது. கொலை வழக்கு தொடா்பாக கீழ்ஆலத்தூரைச் சோ்ந்த கமலதாசன்(27), நாகல் பகுதியைச் சோ்ந்த சந்தோஷ்குமாா்(25) ஆகியோா் நீதிமன்றத்தில் சரணடைந்தனா். அவா்களிடம் நடத்திய விசாரணையைத் தொடா்ந்து இந்த வழக்கு தொடா்பாக நாகல் ஊராட்சி மன்றத் தலைவா் என்.பாலாசேட்(54), அவரது மகன் தரணி குமாா்(28) ஆகியோரை போலீஸாா் கைது செய்து சிறைக் காவலில் வைத்தனா்.
இந்நிலையில் மாவட்ட காவல் கண்காணிப்பாளா் பரிந்துரையின்பேரில், 4- பேரையும் குண்டா் சட்டத்தின்கீழ் ஓராண்டு சிறையில் அடைக்க ஆட்சியா் புதன்கிழமை உத்தரவிட்டாா்.
