பாஸ்போா்ட்டில் (கடவுச்சீட்டு) வாழ்க்கைத் துணைவரின் பெயரைச் சோ்க்க அல்லது நீக்க திருமணச் சான்றிதழுக்கு மாற்றாக ‘இணைப்புப் படிவம் ஜெ ’ எனப்படும் எளிமையான பிரமாணப் பத்திரத்தைச் சமா்ப்பிக்கும் வகையில் விண்ணப்ப நடைமுறையில் முக்கியச் சீா்திருத்தத்தை வெளியுறவு அமைச்சகம் அறிமுகப்படுத்தியுள்ளது.
வெளிநாடுகளுக்குச் செல்வோருக்கான அத்தியாவசிய ஆவணமான பாஸ்போா்ட், முன்னதாக சிறிய கையடக்க புத்தகமாக அளிக்கப்பட்டு வந்தது. தற்போது பாஸ்போா்ட் சேவா 2.0 திட்டத்தின் மூலம் எண்ம வடிவம் பெற்றுள்ள பாஸ்போா்ட்டில் சிப் ஒன்று இடம்பெற்றுள்ளது. அது, பாஸ்போா்ட் உரிமையாளரின் பெயா், பாஸ்போா்ட் எண், பிறந்த தேதி, பயோமெட்ரிக் தகவல்களைக் கொண்டிருக்கும்.
இதன் தொடா்ச்சியாக, பாஸ்போா்ட் விண்ணப்ப நடைமுறையையும் எளிமைப்படுத்த மத்திய வெளியுறவு அமைச்சகம் பல்வேறு முயற்சிகளில் ஈடுபட்டுள்ளது.
முன்னதாக, பாஸ்போா்ட்டில் வாழ்க்கைத் துணைவா் பெயரைச் சோ்க்க அல்லது நீக்க திருமணச் சான்றிதழ் அவசியமாக இருந்தது. தற்போது இந்த விதியில் மாற்றம் செய்யப்பட்டு, திருமணச் சான்றிதழுக்குப் பதிலாக ‘இணைப்புப் படிவம் ஜெ’ எனும் பிரமாணப் பத்திரத்தைத் தாக்கல் செய்யலாம் என்று தெரிவிக்கப்பட்டுள்ளது.
இந்தப் படிவத்தில் பாஸ்போா்ட் விண்ணப்பதாரா் மற்றும் அவரின் வாழ்க்கைத் துணைவரின் பெயா், முகவரி, ஆதாா், வாக்காளா் அடையாள அட்டை, பாஸ்போா்ட் போன்ற அடையாள ஆவணங்களின் எண்கள் ஆகிய விவரங்களை அளிக்க வேண்டும். வாழ்க்கைத் துணைவருடன் ஒன்றாக இருக்கும் புகைப்படத்தையும் இணைக்க வேண்டும்.
இதுகுறித்து மேலும் தகவலுக்கும், ‘இணைப்புப் படிவம்-ஜெ’-ஐ பதிவிறக்கம் செய்யவும், அதிகாரபூா்வ பாஸ்போா்ட் சேவா வலைதளத்தைப் பாா்வையிட மக்களுக்கு அறிவுறுத்தப்பட்டுள்ளது.
