``புதினிடம் பேசினேன்; புதின்-ஜெலன்ஸ்கி சந்திப்பு நடக்க உள்ளது! அது எங்கே?'' - ட்ரம்ப்

கடந்த 15-ம் தேதி, அமெரிக்க அதிபர் ட்ரம்ப், ரஷ்ய அதிபர் புதின் சந்திப்பு நடந்தது.

சிறப்பான சந்திப்பு

இதையொட்டி நேற்று உக்ரைன் அதிபர் ஜெலன்ஸ்கி ட்ரம்பை சந்தித்தார்.

கடந்த பிப்ரவரி மாதமும், ட்ரம்ப் - ஜெலன்ஸ்கி சந்திப்பு அமெரிக்காவில் நடந்தது. அது ஜெலன்ஸ்கிக்கு நல்ல சந்திப்பாக அமையவில்லை.

இந்த முறை அப்படி ஆகிவிடக்கூடாது என்று ஜெலன்ஸ்கி உடன் பிரான்ஸ், இத்தாலி, இங்கிலாந்து உள்ளிட்ட ஏழு ஐரோப்ப நாடுகளின் தலைவர்களும் ஜெலன்ஸ்கியும் அமெரிக்காவிற்கு பயணமாகினர்.

இந்தச் சந்திப்பு பிப்ரவரி மாதம் போல அல்லாமல், சிறப்பாகவே நடந்து முடிந்திருக்கிறது.

இது குறித்து அமெரிக்க அதிபர் ட்ரம்ப் தனது எக்ஸ் பக்கத்தில் பதிவிட்டிருப்பதாவது,

உக்ரைன் ஜனாதிபதி வோலோடிமிர் ஜெலென்ஸ்கி, பிரான்ஸ் ஜனாதிபதி இம்மானுவேல் மக்ரோன், பின்லாந்து ஜனாதிபதி அலெக்சாண்டர் ஸ்டப், இத்தாலி பிரதமர் ஜியோர்ஜியா மெலோனி, இங்கிலாந்து பிரதமர் கெய்ர் ஸ்டார்மர், ஜெர்மனி கூட்டாட்சி குடியரசின் அதிபர் பிரீட்ரிக் மெர்ஸ், ஐரோப்பிய ஆணையத்தின் தலைவர் உர்சுலா வான் டெர் லேயன் மற்றும் நேட்டோவின் பொதுச் செயலாளர் மார்க் ருட்டே ஆகியோருடன் வெள்ளை மாளிகையில் நடைபெற்ற சந்திப்பு மிகவும் நல்ல சந்திப்பு ஆகும்.

இந்தச் சந்திப்பிற்கு பிறகு, ஓவல் ஆபீஸில் அடுத்தக் கட்ட சந்திப்பு நடந்தது.

மிக்க மகிழ்ச்சி

அந்தச் சந்திப்பின் போது, அமெரிக்காவின் ஒத்துழைப்போடு, பிற ஐரோப்பிய நாடுகள் உக்ரைனுக்கு கொடுக்க உள்ள பாதுகாப்பு உறுதி குறித்து பேசப்பட்டது.

ரஷ்யா/உக்ரைன் அமைதிக்கான வாய்ப்பு குறித்து அனைவருக்கும் மிக்க மகிழ்ச்சி.

சந்திப்புகள்

சந்திப்பின் இறுதியில், நான் அதிபர் புதினுக்கு போன் செய்து, அதிபர் புதின் மற்றும் அதிபர் ஜெலன்ஸ்கி சந்திப்பிற்கான ஏற்பாடுகளைச் செய்தேன். இந்தச் சந்திப்பு நடக்கும் இடத்தை இன்னும் தீர்மானிக்கவில்லை.

அந்த மீட்டிற்கு பிறகு, நான், அவர்கள் இருவர் என முத்தரப்பு சந்திப்பு நடக்கும். மீண்டும், இது ஒரு நல்ல விஷயம். கிட்டத்தட்ட நான்கு ஆண்டுகளாக நடந்துகொண்டிருக்கும் போர் நிறுத்தத்திற்கு இது ஆரம்ப படி.

துணை அதிபர் ஜே.டி வான்ஸ், வெளியுறவுத்துறை செயலாளர் மார்கோ ரூபியோ மற்றும் சிறப்பு தூதர் ஸ்டீவ் விட்காஃப் ரஷ்யா, உக்ரைனுடன் ஒருங்கிணைந்து செயல்படுகிறார்கள்" என்று ட்ரம்ப் தெரிவித்துள்ளார்.

Business, Money, Invest, Personal Finance தொடர்பான Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://chat.whatsapp.com/IdbC2MFyIM6E5EHRomv2l4

வணக்கம்,

Personal Finance, மியூச்சுவல் ஃபண்ட், பங்குச்சந்தை, முதலீடு, சேமிப்பு போன்றவைகளில் பக்கா அப்டேட்டுகளும், ஆலோசனைகளும்.

கவனம் ஈர்க்கும் கட்டுரைகள் இங்கே உடனுக்குடன்...

https://chat.whatsapp.com/IdbC2MFyIM6E5EHRomv2l4