புதிய உச்சத்தில் தங்கம் விலை! வரலாறு காணாத உயர்வு!

சென்னையில் ஆபரணத் தங்கத்தின் விலை இன்று(ஜன. 22) புதன்கிழமை சவரனுக்கு ரூ. 600 உயர்ந்துள்ளது.

தங்கத்தின் விலை கடந்த சில நாள்களாக ஏற்ற இறக்கத்துடன் காணப்பட்டது. அந்த வகையில், திங்கள்கிழமை ஒரு சவரன் தங்கம் ரூ. 120 உயர்ந்து ரூ.59,600-க்கு விற்பனையானது. செவ்வாய்க்கிழமை விலையில் எவ்வித மாற்றமுமின்றி ஒரு கிராம் தங்கம் ரூ.7,450-க்கும், சவரன் ரூ.59,600-க்கும் விற்பனையானது.

வரலாறு காணாத உயர்வு

இந்த நிலையில், சென்னையில் ஆபரணத் தங்கத்தின் விலை வரலாறு காணாத வகையில் இன்று சவரனுக்கு ரூ. 600 உயர்ந்து ரூ. 62,200-க்கு விற்பனை செய்யப்படுகிறது. தங்கம் விலை இதுவரை இல்லாத அளவில் ரூ. 60,000-ஐ கடந்து விற்பனையாகிறது.

அதேபோல், கிராமுக்கு ரூ. 75 உயர்ந்து ஒரு கிராம் தங்கம் ரூ. 7525-க்கு விற்பனை செய்யப்படுகிறது.

இதையும் படிக்க: ஈரோடு கிழக்கு: தேர்தல் அதிகாரி மாற்றம்

வெள்ளி விலை நிலவரம்

வெள்ளியின் விலை கடந்த 4 நாளாக எவ்வித மாற்றமுமின்றி விற்பனையான நிலையில், இன்று கிராமுக்கு ரூ. 10 காசுகள் குறைந்து ஒரு கிராம் வெள்ளி ரூ. 103.90-க்கும், ஒரு கிலோ ரூ.1,03,900-க்கும் விற்பனையாகிறது.