நான் திரைப்படங்களை இயக்குவதை நிறுத்தியதற்கு இதுதான் காரணம்: லால்
புதுவையில் 9 ஐஏஎஸ் அதிகாரிகளுக்கு துறைகள் ஒதுக்கீடு மற்றும் மறு ஒதுக்கீடு செய்யப்பட்டுள்ளன. இதற்கான உத்தரவை துணைநிலை ஆளுநா் கே.கைலாஷ்நாதன் செவ்வாய்க்கிழமை பிறப்பித்தாா்.
அந்த உத்தரவு விவரம் வருமாறு: புதுச்சேரி நிா்வாகத்தில் 3.6.2025 அன்று பணியில் சோ்ந்த 2009-ஆம் ஆண்டு பிரிவு ஐஏஎஸ் அதிகாரி கிருஷ்ண மோகன், உப்பு வளா்ச்சி ஆணையா் மற்றும் செயலராக நியமிக்கப்பட்டுள்ளாா். அவருக்கு நிதி, வருவாய், பேரிடா் மேலாண்மை, நிவாரணம் மற்றும் புனரமைப்பு, ஊரக வளா்ச்சி ஆகிய துறைகள் ஒதுக்கீடு செய்யப்பட்டுள்ளன. மேலும், டிஆா்டிஏ தலைவராகவும் நியமிக்கப்பட்டுள்ளாா். மறு உத்தரவு வரும் வரை உயா் மற்றும் தொழில்நுட்ப கல்வி, பள்ளிக் கல்வி, விளையாட்டு மற்றும் இளைஞா் நலன் மற்றும் வனத் துறையின் தொடா்பு அதிகாரியாகவும் செயல்படுவாா்.
ஆணையா் மற்றும் செயலராகப் பணியாற்றும் ஏ.முத்தம்மா ஏற்கெனவே அவா் கவனித்து வரும் துறையுடன் கூடுதலாக திட்ட அமலாக்க முகமையின் திட்ட இயக்குநா், ஏடிபி திட்டத்தின் நோடல் அதிகாரியாகவும் செயல்படுவாா்.
டாக்டா் ஜெயந்த குமாா் ரே ஏற்கெனவே கவனித்து வரும் துறையுடன் கூடுதலாக சமூக நலம், பிற்பட்டோா் நலம் மற்றும் சிறுபான்மையினா் நலம், பான்கோ் நிறுவனத்தின் தலைவராகவும் ஜூலை 1-ஆம் தேதி முதல் செயல்படுவாா். மேலும், புதுச்சேரி கூட்டுறவு சா்க்கரை ஆலையின் மேலாண் இயக்குநராகவும் நியமிக்கப்பட்டுள்ளாா்.
விடுப்பில் இருக்கும் ஏ.எஸ்.பி.எஸ். ரவிபிரகாஷ், பணியில் சேரும்போது காரைக்கால் மாவட்ட ஆட்சியராகவும், நிா்வாக ரீதியிலான மாவட்ட மாஜிஸ்திரேட்டாகவும் நியமிக்கப்பட்டுள்ளாா். ரவிபிரகாஷ் பணியில் சேரும் வரை ஜூலை 1-ஆம் தேதி முதல் புதுச்சேரி மாவட்ட ஆட்சியா் அ.குலோத்துங்கன் கூடுதலாக காரைக்கால் மாவட்ட ஆட்சியராகவும் செயல்படுவாா்.
புதுச்சேரி நிா்வாகத்தில் 11.6.25 அன்று பணியில் சோ்ந்த 2011-ஆம் ஆண்டு ஐஏஎஸ் அதிகாரி ஆா்.சுமிதா தொழிலாளா் துறைச் செயலா் மற்றும் ஆணையராக நியமிக்கப்பட்டுள்ளாா். மேலும், அறிவியல், தொழில்நுட்பம், சுற்றுச்சூழல் துறையின் சிறப்புச் செயலா் மற்றும் இயக்குநராகவும் செயல்படுவாா். புதுப்பிக்கத்தக்க எரிசக்தித் துறையின் மேலாண் இயக்குநராகவும் ஜூலை 1-ஆம் தேதி முதல் அவா் செயல்படுவாா்.
பங்கஜ் குமாா் ஜா ஏற்கெனவே வகித்து வரும் துறைகளுடன் ஜூலை 1-ஆம் தேதி முதல் பொருளாதாரம் மற்றும் புள்ளியியல் துறையும் கூடுதலாகக் கவனிப்பாா்.
மறு உத்தரவு வரும் வரை ஆா்.கேசவன் ஏற்கெனவே கவனித்து வரும் துறையுடன் கூடுதலாக அமைச்சரவை துறையைக் கவனிப்பாா். மேலும், சட்டத் துறையும் அவருக்கு ஒதுக்கப்பட்டுள்ளது.
2014-ஆம் ஆண்டு ஐஏஎஸ் பிரிவைச் சோ்ந்த முகமது அக்சான் அபித் புதுச்சேரி நிா்வாகத்தில் 12.6.25 அன்று பணியில் சோ்ந்தாா். அவருக்கு கலை மற்றும் பண்பாட்டுத் துறை செய்தி விளம்பரத் துறை ஆகியவை ஒதுக்கீடு செய்யப்பட்டுள்ளன.
புதுச்சேரி மாவட்ட ஆட்சியராகவும், நிா்வாக மாவட்ட மாஜிஸ்திரேட்டாகவும் பதவி வகித்து வரும் அ.குலோத்துங்கன் ஜூலை 1-ஆம் தேதி முதல் கூடுதலாக இந்து அறநிலையத் துறை மற்றும் வஃக்பு வாரியத்தைக் கவனிப்பாா். மேலும், அவா் கலால் துறை ஆணையா் பொறுப்பையும் கூடுதலாகக் கவனிப்பாா்.
