புதுவை முன்னாள் முதல்வருக்கு காமராஜா் விருது: தொல்.திருமாவளவன் வழங்கினாா்

விடுதலைச் சிறுத்தைகள் கட்சி சாா்பில் சென்னையில் செவ்வாய்க்கிழமை நடைபெற்ற விருது வழங்கும் விழாவில், புதுவை முன்னாள் முதல்வரும், தற்போதைய மக்களவை உறுப்பினருமான வெ.வைத்திலிங்கத்துக்கு ‘காமராஜா்’ விருது வழங்கப்பட்டது. சென்னை கலைவாணா் அரங்கில் நடைபெற்ற விழாவுக்கு தலைமை வகித்த விசிக தலைவா் தொல்.திருமாவளவன் இவ்விருதை வழங்கினாா்.

மேலும், திராவிடப் பல்கலை. முன்னாள் துணைவேந்தா் கே.எஸ்.சலமுக்கு, ‘அம்பேத்கா் சுடா்’ விருது, நடிகா் சத்யராஜுக்கு ‘பெரியாா் ஒளி விருது’, தமிழ் தேசிய விடுதலை பொதுச்செயலா் தியாகுக்கு ‘மாா்க்ஸ் மாமணி விருது’, பௌத்த ஆய்வறிஞா் பா.ஜம்புலிங்கத்துக்கு ‘அயோத்திதாசா் ஆதவன் விருது’, தமிழ்நாடு ஜமா அத்துல் உலமா சபை தலைவா் பி.ஏ.காஜா முயீனுத்தீன் பாக்கவிக்கு ‘காயிதேமில்லத் பிறை விருது’, யாழ்ப்பாணம் தமிழறிஞா் அ.சண்முகதாஸுக்கு, ‘செம்மொழி ஞாயிறு’ விருது வழங்கப்பட்டது.