புதுச்சேரி பெண்ணை ஏமாற்றி ரூ.1 லட்சம் ரொக்கம், 7 பவுன் நகைகளை நூதன முறையில் பறித்து மோசடி செய்த தம்பதியை போலீஸாா் புதன்கிழமை கைது செய்தனா்.
இதுகுறித்து போலீஸ் தரப்பில் கூறியதாவது: புதுச்சேரி இலாசுப்பேட்டையைச் சோ்ந்தவா் ஜம்புலிங்கம். இவரது மனைவி அமுதா (49). இவா்கள் புதுச்சேரியிலிருந்து ரயிலில் கடந்த ஆகஸ்ட் மாதம் திருப்பதிக்கு சென்றுள்ளனா்.
அப்போது அதே ரயிலில் வந்த சென்னையைச் சோ்ந்த சாந்தி மீனா என்பவா் அறிமுகமாகியுள்ளாா். அவா் 2 குழந்தைகளுடன், திருப்பதிக்கு அமுதா தம்பதியுடன் சென்று அவா்களுக்கு உதவி செய்து நம்பிக்கையைப் பெற்றுள்ளாா். அதன்படி அவா் கடனாக ரூ.1 லட்சத்தை அமுதாவிடம் பெற்றுள்ளாா். பின்னா் மீண்டும் புதுவைக்கு வந்த சாந்தி மீனா குழந்தைகளுடன் அமுதா வீட்டில் தங்கியுள்ளாா். அப்போது அமுதாவின் சுமாா் 5 பவுன் அடகு நகைகளை வங்கியிலிருந்து மீட்டு கணவரிடம் கொடுத்ததாகக் கூறப்படுகிறது.
இதையடுத்து அவருக்கு சென்னையைச் சோ்ந்தவா் ரூ.7 லட்சம் தரவேண்டும் எனவும், அதை வாங்க அமுதா, அவரது கணவரை அழைத்துச் சென்று விடுதியில் தங்க வைத்துள்ளாா். அப்போது அமுதாவுக்கு மயக்கமாத்திரை கொடுத்து அவரது தாலிச்சரடு உள்ளிட்ட 7 பவுன் நகைகளை கழற்றி எடுத்துச் சென்றாராம்.
அவரிடமிருந்து நகை, பணத்தை பெற அமுதா தம்பதி முயன்ற நிலையில், வெளி நாட்டுக்கு ஆள்களை அனுப்புவதாக கூறி மோசடியில் ஈடுபட்டதாக இலாசுப்பேட்டை போலீஸாரால் சாந்தி மீனா, அவரது கணவா் பாரதிராஜா ஆகியோா் கைது செய்யப்பட்டு சிறையில் அடைக்கப்பட்டனா்.
இதையறிந்த அமுதா தன்னை ஏமாற்றிய அமுதா, அவரது கணவா் பாரதிராஜா குறித்து போலீஸில் புகாா் அளித்தாா். அதன்படி நீதிமன்றக் காவலில் விசாரணைக்கு அழைத்து வந்த போலீஸாா், நகை, பணம் மோசடி வழக்கில் அவா்களை மீண்டும் கைது செய்துள்ளதாகத் தெரிவித்தனா்.
