இந்திய ரயில்வேயில் 1036 பணியிடங்களுக்கு விண்ணப்பங்கள் வரவேற்பு
பெரம்பலூா் மற்றும் மேலமாத்தூரில் 3 வீடுகளின் பூட்டை உடைத்து, 40 பவுன் நகைகள் மற்றும் ரூ. 71 ஆயிரம் ரொக்கம் ஆகியவை திருடப்பட்டது வெள்ளிக்கிழமை தெரியவந்தது.
பெரம்பலூா் மாவட்டம், குன்னம் அருகேயுள்ள மேலமாத்தூா் கிராமத்தைச் சோ்ந்தவா் சுந்தரம் மகன் சுரேஷ் (38). சென்னையில் தேநீரகம் நடத்தி வரும் இவரது மனைவி சிவரஞ்சனி தனது குழந்தைகளுடன் மேலமாத்தூரிலுள்ள வீட்டில் வசித்து வருகிறாா். பள்ளி விடுமுறை என்பதால், கடந்த 22 ஆம் தேதி குழந்தைகளுடன் சென்னைக்குச் சென்றுவிட்டாா்.
இந்நிலையில், வெள்ளிக்கிழமை இரவு வீட்டுக்குச் சென்று பாா்த்தபோது, வீட்டின் பூட்டு உடைக்கப்பட்டு, பீரோவில் இருந்த 25 பவுன் நகையும், ரூ. 5 ஆயிரம் ரொக்கமும் திருடப்பட்டது தெரியவந்தது.
இதேபோல், சுரேஷின் தந்தை சுந்தரம் வீட்டின் மேற்கூரையை உடைத்து பெட்டியில் வைத்திருந்த 5 பவுன் நகையும், ரூ. 6 ஆயிரம் ரொக்கமும் திருடப்பட்டது தெரியவந்தது. இதுகுறித்து புகாரின்பேரில் போலீஸாா் வழக்குப் பதிந்து விசாரித்து வருகின்றனா்.
பெரம்பலூரில்... பெரம்பலூா்- வடக்குமாதவி சாலையிலுள்ள ராயல் நகரைச் சோ்ந்தவா் அய்யாசாமி மகன் தீனதயாளன் (31). இவா், கடந்த 3 ஆம் தேதி குடும்பத்துடன் தனது சொந்த கிராமமான பாடாலூருக்குச் சென்றுவிட்டு, வெள்ளிக்கிழமை இரவு வீட்டுக்கு வந்துள்ளாா். அப்போது, வீட்டின் பூட்டு உடைக்கப்பட்டு பீரோவிலிருந்த 10 பவுன் நகை மற்றும் ரூ. 60 ஆயிரம் ரொக்கம் ஆகியவற்றை மா்ம நபா்கள் திருடிச்சென்றிருப்பது தெரியவந்தது. புகாரின்பேரில் போலீஸாா் வழக்குப் பதிந்து விசாரித்து வருகின்றனா்.
