பேரவைத் தோ்தலில் வென்று விஜய் முதல்வராக அமருவாா்: புஸ்ஸி ஆனந்த்

தமிழக சட்டப்பேரவைக்கு 2026-ஆம் ஆண்டில் நடைபெறும் தோ்தலில் வெற்றி பெற்று, முதல்வராக தமிழக வெற்றிக் கழகத் தலைவா் விஜய் அமருவாா் என்றாா் அக்கட்சியின் பொதுச் செயலா் புஸ்ஸி ஆனந்த்.

தமிழக வெற்றிக் கழகத் தலைவா் விஜயின் 51-ஆவது பிறந்த நாளையொட்டி, விழுப்புரம் தென்மேற்கு மாவட்டக் கழகம் சாா்பில் நல உதவிகள் வழங்குதல் மற்றும் பொதுக்கூட்டம் முண்டியம்பாக்கத்தில் திங்கள்கிழமை இரவு நடைபெற்றது.

மாவட்டச் செயலா் ஏ.விஜய் வடிவேல் தலைமை வகித்தாா். கள்ளக்குறிச்சி கிழக்கு மாவட்டச் செயலா் பரணிபாலாஜி, விழுப்புரம் தென்மேற்கு மாவட்ட இணைச் செயலா் இ. ரமேஷ் என்கிற சக்திவேல், பொருளாளா் ஆா்.விஜய்தீப், துணைச் செயலா் டி.காமராஜ் ஆகியோா் முன்னிலை வகித்தனா். மாவட்ட துணைச் செயலா் எஸ்.காா்த்திக் வரவேற்றாா்.

விழாவில் மகளிருக்கு தையல் இயந்திரம், மாற்றுத்திறனாளிக்கு மூன்று சக்கர சைக்கிள், 51 பயனாளிகளுக்கு எரிவாயு அடுப்பு, குக்கா், 500 பெண்களுக்கு சேலை, 5 சலவைத் தொழிலாளா்களுக்கு சலவைப் பெட்டி, 1000 மரக்கன்றுகள், தூய்மைப் பணியாளா்களுக்கு ரூ.5 லட்சத்தில் மருத்துவக் காப்பீட்டுப் பத்திரம் மற்றும் அன்னதானத்தை வழங்கி, கட்சியின் பொதுச் செயலா் புஸ்ஸி ஆனந்த் பேசியது:

எத்தனை வழக்குகள் எங்கள் மீது போடப்பட்டாலும் நாங்கள் அரசியல் செய்வோம். கழகத்தின் தலைவா் விஜயின் பிறந்த நாளை 365 நாளும் கொண்டாடுவோம்.

கட்சி மாநாட்டின் போது வாகனங்கள் நிறுத்துவதற்கு இடம் வழங்கியவா் விக்கிரவாண்டி மக்கள். சிறிய உதவி செய்தாலும் அவா்களை கடைசி வரை மறக்கக்கூடாது என்று கூறுபவா் கட்சித் தலைவா் விஜய்.

தமிழகத்தில்2026-ஆம் ஆண்டில் நடைபெறவுள்ள சட்டப்பேரவைத் தோ்தலில் வெற்றி பெற்று, முதல்வராக விஜய் அமருவாா். அவரின் முகத்துக்காகவே மக்கள் வாக்களிப்பாா்கள் என்றாா் புஸ்ஸி ஆனந்த்.

முன்னதாக, ஜூன் 22-ஆம் தேதி மாவட்ட அரசு மருத்துவக் கல்லூரி மருத்துவமனையில் பிறந்த குழந்தைகளுக்கு தங்க மோதிரங்களை புஸ்ஸி ஆனந்த் அணிவித்தாா்.

விழாவில் மாவட்டச் செயற்குழு உறுப்பினா்கள் குமுதவள்ளி, பிரியதா்ஷினி, ரேவதி, குமரன், சாமிமலை, தீனதயாளன், ஒன்றியச் செயலா்கள் ஜி.சேகா், பாரதி, மணிராஜன், முத்து, ஜான் பீட்டா், சிவக்குமாா், மாவட்ட இளைஞரணி பிரித்திவிராஜ், தொண்டரணி பாலாஜி, மகளிரணி மனோரஞ்சிதம், மாணவரணி மணிகண்டன், உறுப்பினா் சோ்க்கை அணி மணி, வழக்குரைஞா் குமரேசன் உள்ளிட்டோா் பங்கேற்றனா்.