பேருந்தில் பயணித்த மூதாட்டியிடம் 2 பவுன் திருட்டு

கோவை அருகே பேருந்தில் பயணித்த மூதாட்டியிடம் இருந்து 2 பவுன் நகையைத் திருடிய பெண்ணை போலீஸாா் தேடி வருகின்றனா்.

கோவை மாவட்டம், மதுக்கரை, எம்ஜிஆா் நகரைச் சோ்ந்தவா் முத்துசாமி மனைவி சரஸ்வதி (72). இவா் எல்.ஐ.சி.காலனியில் இருந்து பேரூருக்கு அரசுப் பேருந்தில் வெள்ளிக்கிழமை காலை பயணம் செய்துள்ளாா்.

அப்போது, அருகில் இருந்த பெண் ஒருவா், நீங்கள் அணிந்துள்ள தங்கச் சங்கிலி லேசாக அறுந்த நிலையில் உள்ளது. கழற்றிவைத்துக் கொள்ளுங்கள் என சரஸ்வதியிடம் கூறியுள்ளாா்.

இதையடுத்து, சரஸ்வதி தங்கச் சங்கிலியை கழற்றி தனது கைப்பையில் வைத்துள்ளாா். பேருந்தை விட்டு இறங்கி கைப்பையைப் பாா்த்தபோது, அதில் வைத்திருந்த தங்கச் சங்கிலியை காணவில்லையாம்.

இது குறித்து செல்வபுரம் காவல் நிலையத்தில் சரஸ்வதி புகாா் அளித்தாா். வழக்குப் பதிவு செய்த போலீஸாா், மூதாட்டிக்கு உதவுவதுபோல நடித்து நகையைத் திருடிய பெண்ணை தேடி வருகின்றனா்.